Accessibility links

Кайнар хәбәр

AQŞ Wäkillär Pulatı başlıgı Pelosi Suriä prezidentı äl-Ässad belän oçraştı


AQŞ Prezidenti George Bush tänqiytläwenä qaramastan, AQŞ kongressınıñ wäkillär pulatındagı demokratlar başlığı Nancy Pelosi, bügen Demaşqda Süriä Prezidentı äl-Äsad belän oçraşa. Waşiñton xökümäte äl-Äsadnı terrorçılıqqa yärdem itä dip saniy. Läkin AQŞ Wäkillär pulatı süzçese Pelosi, tänqiytlärgä cäwap itep, Prezident häm räsmilär belän oçraşunın yañadan diolognı urnaştıru häm töbäktäge nizaqlarnı çişärgä nigezlängän uñışlı ber adım bulaçagın açıqladı.

Pelosi, soñgı 4 yıl eçendä Süriägä bargañ zur märtäbäle Amarikan säyäsätçeselärdän berse. Bügen ul Süriä Prezidentı Bäşar äl-Äsad, vitse prezident Färük äl-Şara häm Tışqı eşlär minıstrı Wälid äl-Muallim belän oçraştı.

Pelosi, İzrail Premier Minıstırı Ehud Olmert cibärgän xatnı äl-Äsadqa tapşırdı. Älege färmanda, ägär Süriä, Yähüd däwläten yuq itärgä maqsat itkän fälestin ğisyançıların yaqlawnı tuqtatsa, İzrailneñ tınıçlıq mäsäläsen dä söyläşergä riza bulaçağı äytelä. Pelosi şulay uq Ğiraq häm Süriänıñ liban ğaskärilärenä yärdeme mäsälälärendä söyläşäçägen äykän ide . Oçraşu waqıtında äl-Äsad, İzrail belän tınıçlıq buldıru turında söyläşergä tiläktäşlege bulganın belderde.

Söyläşülärdän soñ, jurnalistlar aldında çıgış yasagan Pelosi;

“Yaqın könçığıştagı tınıçlıq mäsäläse Amerikan xalıqı öçen genä tügel töbäktä häm gomım alganda dänyada bik möhim mäsälä. Bez Prezidenttän tınıçlıq prosesın däwam itärgä äzer bulgannın belderüenä bik şatbız. Süriä, tınıçlıq turında İzrael belän kileşergä äzer buluwın belderde”.

Bu ziyarät Quşma Ştatlarnıñ Ğiraqtağı häm töbäktäge totırıqlıqnı diplomatik çaralar aşa urnaştıruı öçen bik ähämmiätle. Bu qarar, uzğan yıl AQŞ kongresındä, ike firqale şurada Ğiraqnı öyränü törkeme tarafınnañ yasalğan belderüneñ dä ber öleşe ide.

Şulay da, Prezident Bush, Süriä belän diplomatik kileşü kiräklegen raslagan qararnı kire qaqqan ide. Elekke däwlät sekratare James Baker citäklägän, törkemneñ qararı, İzrael-Fälestin häm Liban-Ğiraq nizaqlarını xäl itüdä ber adım, Demaşq xökümäten İrannañ çitläşterü belän uñışqa ireşäçägen açıqlagan ide James.

Bush, Pelosineñ Süriä säyäxäten AQŞ mänfäğatlärenä zarar kiteräçäk dip bäyäläde. 3nçe April sişämbe kön mätbüğat oçraşuwında Prezident Bush, Waşiñtonnıñ Süriägä bulgan qaraşın qabatladı. Süriä Terrorçılıqqa yärdem itä häm Ğiraq eşlärenä qarışa dip belderde.

Mäğlümät çaraları xäbärläre yäisä Prezident äl-Äsad belän oçraşu Äsad citäklägän xökümätneñ xalıqara cämägatçelektneñ ber öleşe bularaq kürsätä. Ä çıñlıqta isä alar terrorçılıqqa bulışqan däwlät, Süriädän Ğiraqqa köçkän çit sugışçılarnıñ ilgä kerülären tuqtatıp tormıy alarnıñ küçülären ciñeläytergä tırışa.” Sişämbe kön Demaşqqa kilgän AQŞ kongress deputatlarınıñ başlıgı, Bushnıñ üz Republikan partiyäse äğzalarınıñ da bu ay Suriädä säfärdä bulularına işaräläp, Bush beldergän tänqiytlären urınsız dip taptı.

Bu säfärneñ cimeşe närsä bulır älegä belgesez. Läkin Noyabrda kongrestäge urınnarnıñ küpçelegen yawlap algan birle Demokratlar, bu säfär belän Aq Yortqa iñ zur taş attı dip isäblänä. Demokratlar, yaqın könçıgış häm Ğiraq säyäsätendä eşçänleklären arttıra başladı.

Waşiñtonnıñ Süriä süzçese, Ğimad Mustafa matbuğat oçraşuında Süriäneñ Amerikanıñ kötelmägän cılı mönäbät başlawın iğtibar belän qaraganıñ häm diqqatle itep cäwap qaytaraçagın belderde.

Ürdendäge “Jordan Times” gazetası Pelosineñ diplomatik tırışlıqlıgın Süriäneñ Liban häm Ğiraqqa alıp bargan säyäsäten üzgärtep bu illärdäge nizaqlarnı çişüdä bulışa alır dip belderde.

M.K
XS
SM
MD
LG