Иран атом ягулыгын инде сәнәгать күләмендә җитештерә алуын һәм дөньядагы төп көчләрнең аны туктата алмыячагын белдерә.
Бүген бу турыда Иран президенты Мәхмүт Әхмәдиниҗат белән Атом Энергия Идарәсе башлыгы, вице-президент Гөләм Риза Агазадә белдерде.
Алар Тәһранның аз күләмдә уран баета алырлык дәрәҗәгә ирешүе игълан ителүгә бер ел тулу уңаеннан илнең үзәгендәге Натанз Уран баету корылмасында чыгыш ясады.