Accessibility links

Кайнар хәбәр

Açıq mikrofon: Ğailädä sez nindi teldä söyläşäsez?


Bu atnada, döresräge 26 aprel' köne Tuğan tel köne bilgelänep ütelä. Bu könne Qazanda şiğer bäyräme uza, Tuqay premiäse lawreatlarınıñ isemnäre bilgele bula. Ğabdulla Tuqaynıñ tuğan köne xörmätenä, "Үzебеz" yaña buın xäräkäte dä çirattağı "Min tatarça söyläşäm!" çarasın ütkäräçäk dip kötelä. Bauman häm Universitet uramnarı kiseşkän urında, bu çara barışında yaña tatar muzıkasın başqaruçı rok, rep, fol'k törkemnäreneñ çığışları yañğırayaçaq. Tatar telendä söyläşüçelärgä uzğan yıldağıça 10 meñläp znaçok häm iñ küp qullanıla torğan 100 tatar süze kergän süzleklär taratılaçaq. Ä menä Qazan uramnarında

“Ğailädä sez nindi teldä söyläşäsez?- digän sorawğa cawaplar menä mondıyraq buldı:

-Tatarça söyläşäbez, äti äniem, señlem belän söyläşäbez. Min Leninogorski şähärennän student bulıp Qazanğa uqırğa kildem. Teatrlar bulsa, yäşlär programmaların televizordan qarıybız.

- Balalar 5-6 yäşkä xätle tik tatarça ğına belsälär, ul telne alar onıtmıylar.

- Bez ğailädä rusça söyläşäbez. Ğailädä ruslar, tatarlar bulsa da, bez tik rus telendä genä söyläşäbez. Çönki minem rus millätennän ul añlasın öçen ätiem dä minem belän gel rusça söyläşkän. Min 6 yäşkä qädär tatarça söyläşkänmen., çönki anda min äbiem belän awılda bulğanmın. Televizordan tatarça yañalıqlar häm hawa torışın tıñlıym. Xäzer inde onıtılğan. Miña yaxşı süzlek bulsa, min iskä töşerer idem. Minem bik tä tatarça söyläşäsem kilä . Ğ Tuqaynıñ ber şiğere isemdä qalğan.

Cikterep par at Qazanğa tup- turı kittem qarap,

Çaptıra atlarnı küçer suqqalap ta tartqalap.

-Tuğannar belän tatarça söyläşäbez, duslar belän rusça.

-Tatarça söyläşäbez. Min Qazanda tuıp üstem. Änilär awılnıqı. Televizornı bik siräk qarıybız. TNV bezdä kürsätmi. Tatar radiosın tıñlıybız. Señlem bik yarata.“Muzıkal' qaymaq”nı berdä qaldırmıy.

-Öydä tatarça söyläşäm.

-Min millätem buyınça tatar, ä minem balalarım kübräk rusça söyläşä.

- Xäzerge waqıtta böten cirdä ruslaştıru bara. Balalar baqçasında bezneñ balalar yörgän törkemdä kübräk tatar balaları, ämma alar belän kübräk rusça söyläşälär. Minem tormış iptäşem yartılaş rus millätennän , şuña bezgä bik awır balalar belän tatarça söyläşergä.

- Tatarça kertelgän ikän, tatarça söyläşäbez barıbız da ğailädä.

- Böten aktual' temalarğa tatarça söyläşäbez. Minem 3 qızım bar . bersenä 18 yäş, 17 yäş, 8 yäş. Alar mäktäptä rus telendä uqıylar. Qızğanıçqa qarşı, bezneñ tatar xalqı , tatar milläte üzläreneñ tellären onıtıp baralar, menä şul.

Mälikä Basıyr

XS
SM
MD
LG