Әфганстанның төньягындагы Саманган вилаятендә су ташкынында кимендә 12 кеше һәләк булды. Бер атнада суда 36 кеше батып үлгән. Саманган елгасы ярларыннан чыгып дистәләгән йорт су астында калды. Төньяк-көнчыгыштагы Бадахшан вилаятендә су басуда 23 әфган кешесе һәм НАТОның бер чех хәрбие һәләк булды. Ил буйлап бер тәүлек ечендә кимендә 35 кеше үтерелгән. Аларның 13е – әфган полициәсе, 17се – Талибан гаскәрләре, 5се – юл төзелешендә эшләгән тән сакчылары, дип хәбәр ителә.
