Accessibility links

Кайнар хәбәр

Uçalılar çex ilsehenä başqort milli keyeme büläk itte


Tiźźän Uçalı rayonında źur töźölöş eştäre başlanasaq. Çexiya inwestorźarı bında ezbiz, töźölöş ösön qoro qatnaşmalar, beton, qırsıntaş häm asfalt eteştereüse qeüätle qombinat töźörgä niätläy. Unıñ täüge nigeź taşın Başqortostan prezidentı menän Çexiya Respubliqahınıñ Räsäyźäge tulı xoquqlı häm ğäźättän tış ilsehe Miroslaw Kostelqa haldı. Bıl proekttı belgestär Uçalı ğına tügel, totoş Başqortostan infrastruqturahı ösön źur ähämiätkä eyä, tip bildäläy. İke yıl esendä Çexiya inwestorźarı Uçalı erenä 18 milliard hum aqsa yünältergä niätläy. Tap oşo waqıt esendä rayondıñ Qäyepqol auılı ergähendä ezbiz eteştereüse qombinat tulı qeüättä eşläy başlar, tip küźallana. Ul barlığı 100 gektar mayźandı biläyäsäk. Sänäğätselärgä bında eş eterlek–yaqınsa tikşereüźär buyınsa bıl erźärźä 500 million tonna tirähe ezbiz yata. Çexiya ilsehe Miroslaw Kostelqa äyteüensä, Uçalı rayonındağı proekttı boyomğa aşırıu, Çexiya menän Başqortostan arahındağı iqtisadi bäyläneştärźe yañı kimälgä kütärä. Yola buyınsa Başqortostan prezidentı menän Çexiya ilsehe kiläsäk bıuınğa möräjäğät menän bergä täüge nigeź taşın haldı. İke yaqtıñ kiläsäk bıuınğa izge teläktäre yaźılğan möräjäğätte 25 yıldan asıu qarala.

XS
SM
MD
LG