Yevropa tözekländerü häm üseş bankı prezidentı Jan Limyernıñ Qazandağı räsmi säfäre, comğa könne, Spurt Bankında oçraşu belän başlandı. Äytergä kiräk, berniçä kön elek Yevropa bankı, Qazan bankınıñ 28 potsent aksiälären satıp aldı häm şul räweşle Spurt bankınıñ iñ ere aksionerına äverelde.
Yevropa Tözekländerü häm Üseş bankınıñ finans institutlar törkeme direktorı Kurt Ğayger äytüençä, Yevropa bankı kebek ere aksionerı bulu "Spurt" bankınıñ kapitalın nığıtuğa, cirle bazarda anıñ urının saqlarğa, çit il investorları belän xezmättäşlek çeltären kiñäytergä yärdäm itäçäk. Yevropada tözekländerü häm üseş bankı 1991 yılda, tözelgän. Ul yıllarda Yevropanıñ Üzäk häm Könçığış rayonnarında sotsialistik lager' cimerelä. Sovetlar soyuzı tarqalıp barlıqqa kilgän illärgä iqtisatların üsterü öçen yärdäm kiräk bula. Yevropada tözekländerü häm üseş bankı üz östenä bu maqsatnı da ala. Bügen banknıñ investitsiäläre, iqtisat bazarın üsterü öçen Yevropa häm Aziäneñ 29 ilendä qullanıla.
Bu bank 1991 yıldan 2004 yılğa qädär elekke sovetlar soyuzı illäreneñ 114 proyektın finanslap 25 milliard yevro sarıf itkän, alarnıñ 6 milliardı Rusiägä turı kilä. Ğomumän, Yevropa Tözekländerü häm Üseş bankınıñ barlıq finanslarınnan 20 % Rusiägä qarıy. Soñğı yıllarda Rusiädä Yevropa bankı investitsiälägän tübändäge proyektlarnı atarğa bula.
Älege Bank “Miroqqo Ayrospeys Rusiä” şirkätenä Tupolev samoletın tözü öçen 36 million yevro, Sankt-Peterburgta su çistartu qorılmaların tözü öçen 24 millon yevro, Dceneral Motors häm Avto Wazğa 153 million yevro, Sankt- Peterburgta Toyota zavodın tözügä 24 million yevro investitsiälär kertkän.
EBRR belän urtaq xezmättäşlekkä kеrgän "Spurt" bankına isä 1992 yılda nigez salınğan. Ağımdağı yılda aktivlarınıñ küläme buyınça ul Tatarstan bankları arasında bişençe urınnı yauladı. Rossiäneñ iñ ere 200 bankı isemlegenä kertelä.
18 mayda, Jan Limyer, "Xirurgiä titanı" yabıq aksionerlıq cämğiätendä häm 18-nçe Üzäk şähär klinik xastaxanäsendä dä buldı. Soñğısına Lemyer äfände bank isemennän 5 million aqça birep xäyriä kürsätte.
Yevropa tözekländerü häm üseş bankınıñ yıllıq utırışın Qazanda ütkärüne, beräwlär Tatarstannıñ iqtisadi yaqtan üseşe dip bäyäläsä, ikençelär, monı zur säyäsät belän bäyli.”Zvezda Povolj'ya” gäcitendä Räşit Äxmätov, älege çaranıñ töp oyıştıruçısı bularaq Röstäm Miñnexanovnı bilgeläp Mintimer Şäymiev premyer - ministrnıñ dönya külämendä abruyın arttırırğa teli dip yaza. Zamanında Yevropa tözekländerü häm üseş bankınıñ belän Qamil İsxakov eş başlap yörgän. Ul waqıtta Yevropalıylar Qazanğa 125 million dollarlıq kredit birgän bulğannar. Älbättä bıyılğı utırışta, bu aqçalarnıñ qaya sarıf itelgännäre dä äyteläçäk. Räşit Äxmätov farazlawınça, Röstäm Miñnexanov komandası totınğan eşlären cirenä citkezep eşli, bu utırışnı da alar iñ yuğarı däräcädä ütkärergä tırışaçaqlar. Älege çaradan soñ premyer ministr çit il qunaqları aldında säyäsi şäxes bularaq formalaş, di Räşit Äxmätov “Zvezda Povolj'ya” gäcitendä.
19 may könne Yevropada tözekländerü häm üseş bankı utırışı qısalarında “Rusiä töbäkläreneñ üseş yulları” iseme astında xalıqara investitsion forum da uzar dip kötelä.
20-21 may könnärendä Yevropada tözekländerü häm üseş bankı citäkçelege bank idärä şurasınıñ 17нче yıllıq utırışı uzaçaq. Çit il qunaqlarınıñ räsmi säfärläre 22 mayda tämamlana.
Ğädel Galämetdinov.
