Accessibility links

Кайнар хәбәр

Çallı yäşläre uramda qaldı


18 nçe mayda tatar yäşläre üzläreneñ çirattağı cıyınnarın uzdırırğa teatr binasına cıyıldı. Läkin alarnı binanıñ yabıq işekläre häm militsiä törkeme genä qarşı aldı. Moña qädär cıyınnarda tatar yäşläre aralaşu klubı, yäşlärneñ ana telendä gazetaların buldıru häm mäktäplärdä tatarça uqıtu problemaları xaqında söyläşkännär ide. Söyläşüneñ däwamı bulmadı, yäğni 100 dän artıq yeget häm qız cıyın bulası binağa kertelmäde. Yuğisä, uzğan yılnıñ 26 nçı fevral' köne belän şähär xäkimeneñ elekke urınbasarı F.Mostafina yäşlär cıyının teatr binasında ütkärergä röxsät käğäze birgän. Yäşlärne binağa kertmäwneñ säbäbe nidä? Tatar yäşläre oyışması aktivistı İlnur Şäyxetdinov üzeneñ farazları turında "Azatlıq"qa bolay dide:

- Bezneñ bügenge çığışlarda bernindi reaksion äyber yuq ide. Balalar baqçalarında, mäktäplärdä häm yuğarı uqu yortlarında tatar teleneñ torışı xaqında xakimiät keşeläre belän äñgämä genä qaralğan ide. Läkin şuşı äñgämädän nikter räsmi xakimiät qaçtı.

Kiçke säğät 7дә cıyılğan xalıq taralırğa aşıqmadı. Teatr binası basqıçların mönbär itep, miting başlap cibärdelär. Basqıçqa A.Xälim kütärelä:

- Şuşı problemasız şähärdä araqı eçärgä telämägän, narkoman bulası kilmägän, imanlı bulırğa telägän tatar yäşläre xakimiätkä äñgämä täqdim itä. Nişläp xakimiät qaça?

Tatar yäşläre berlege citäkçese Damir Şäyxetdin:

- Bez üzebezneñ tuğan cirebezdä köräşäbez. Eşebez izge. Bernigä qaramastan, aldağı cıyınnarnı şuşı teatr binasında uzdıraçağıbızğa imanım kamil.

Bügenge teatr binasın 90нчы yıllarda milli xäräkätkä yörgän xalıq, qorallanğan militsiägä qarşı torıp, tatar teatrına alıp birgän ide. 15-16 yıl ütteme, yuqmı, şuşı teatr öçen köräşkän tatar xalqınıñ balaların tatar telendä söyläşergä, uqırğa öndägän öçen, teatr binasına kertmilär.Çığış yasawçılar şuşı küreneşkä basım yasadılar.

Ğafiulla Ğaziz, Çallı

XS
SM
MD
LG