İdeyä texnoparkınıñ konferens zalı bügen, kötü kötelä torğan qırnı xäterlätte. Kötüçelär ber närsä söyli, kötü başqasın işetergä teli. Matbuğat oçraşuında parad belän bügen, Tatarstan premyer ministrınıñ berençe urınbasarı Rawil Muratov, mäğlümatlaştıru häm elemtä ministrı Färit Fazıylcanov, İdeya texnoparkı citäkçese Sergey Yuşqo, IBM Yevropa Aziä citäkçese Kiril Kornil'yev, IBMның tönyak könçığış bülekçäse citäkçese Mixayıl Uitç citäkläde.
Älege kileşü turında inde baytaq söylände. Monnan berniçä atna elek uzğan matbuğat oçraşuında Sergey Yuşqo, bu kileşüne Rusiädä berençe şundıy zur proyekt dip atadı. Bügen dä tulayım alğanda süz şul turıda bardı.
Küp närsäne añlap betermägän jurnalistları qızıqsındırğan töp soraw, IBM şirkäte älege kileşüdän, ğomumän tabıştan niçä protsentın üzenä alaçaq digän soraw qızıqsındırdı. IBM şirkäte wäkilläre tögäl sannardan yırağayıp, bez bu kileşüdän üzebezgä urtaq täcribä, yaña ideyälär, yaña satu yulların tababız dip ğomumi cawap birüne qulay kürde.
jurnalistlar bu sorawnı berniçä tapqır üzgärtep tä yullap qarağaç, Rawil Muratov xälne uyın-kölkegä borıp bolay dip cawap birde.
Yuq ä nişläp sez bezdän soramıysız, ni qızıq barısı da IBM öçen genä borçıla. Bez dä bit älege proyektqa küp aqçalar sarıf itäbez, häm bu äle bez alarnı 100 protsent qaytara alaçaqbız digän süz tügel. IBMның täcribäse zur, anıñ berençe genä kiäwdä buluı tügel. Ä menä bezneñ mondıy yöreş berençe genä, şuña kürä bezneñ öçen kübräk borçılırğa kiräk.Älege kileşü näticäsendä Qazanda yaña IT üzäk tözeläçäk. Bu üzäk maşina tözeleşe häm nefteximiä ölkäsendä eş alıp barır dip kötelä. Yaqındağı ike ayda texnopark belgeçläre bu ölkälärdä tikşerülär ütkärep, dönya bazarın öyränäçäk.
Mäğlümat öçen, IBM şirkäteneñ kompyuter cihazların yasaw buyınça 90 yıllıq täcribäse bar, häm bu ölkädä ul aldınğı urınnarda tora. Bügenge köndä anıñ 117 ildä wäkillege bar, anda 335 meñgä yaqın belgeç eşli.
Texnopark citäkçeläre äytüençä yaña üzäkne tözep, anıñ maqsatların barlawğa yaqınça 6 ay kitäçäk. Barlığı üzäkne tözergä 70 million dollar sarıf iteläçäk. Anıñ yartıysın Tatarstan , ikençe yartısın çit il kompaniäse tüli. Rawil Muratov çığışınnan kürengänçä, bu üzäkneñ ğomumi mäydanı 40 meñ kvadrat metr bulaçaq. Bu urınnarnı tutırıp beterer öçen şirkät qayan şunıñ üxätlek belgeç alaçaq. Matbuğat oçraşındı älege sorawğa cawap itep Sergey Yuşqo “Bu ber – ike yılda ğına xäl itelä torğan mäs'älä tügel. Älbättä kadrlar citmäw mä’säläse bulaçaq. Bälki älege proyekt näticädä, mäğärif ölkäsenä, yuğarı uqu yortlarında uqıtu ölkäsenä dä qayber üzgäreşlär kertüne taläp itär”-dide.
Matbuğat oçraşuında jurnalistlarnıñ tögäl sorawlarına yış qına tögäl bulmağan cawaplar işetelde. Älegä, proyektnıñ uñışlı buluı bik tomanlı räweştä bulsa da, citäkçelek bu kileşügä zur ömetlär bağlıy.
Ğädel Galämetdinov.
