Бүген Германия башкаласында эшкуар хатын-кызларның халыкара җыены тәмамланды. 3 көн барган бу чарада 91 илдән бер меңгә якын хатын-кыз катнашты. Аларның 50се – хөкүмәт министрлары иде. "17нче дөньякүләм хатын-кызлар саммиты"на Вьетнам, Кытай, Көньяк Африка, Мысыр, шулай ук Британия, Америка Кушма Штатлары, Япония кебек илләрдән кунаклар килгән иде. Җыен хакимияттәге хатын-кызлар тәҗрибәсенә багышланды.
