Accessibility links

Кайнар хәбәр

GUAM Summitı Rusiä basımına qarşı toru yulların ezli


Gruziä, Ukraina, Azarbäycan häm Moldova citäkçeläre Baküdä GUAM Demokratiä häm İqtisad Üseş Oyışması cıyınında qatnaşa. Bu oyışma Mäskäw alğa sörgän Bäysez däwlätlär berlege qarşı berlek oyışması bularaq sanala. Bügen Bakügä kilgän Gruziä, Ukraina häm Moldova citäkçeläre aldında kön üzäk tema neft-ütkärgeçe häm tınıçlıq saqlaw mäsäläläre ide.

GUAM Demokratiä häm İqtisad Üseş Oyışması cıyınınıñ kiñ mäğnädä maqsatı, Rusiäneñ Töbäktäge xärbi häm iqtisadi yoğıntısına qarşı toru dip sanala.

Azerbäycan Prezidentı Aliyev, GUAMnıñ maqsatı turında mäğlümat çaralarına bügen bolay dip belderde:

“Bezneñ urtaq mänfäğatlärebez, urtaq qaraş häm urtaq yullarıbız bar. Häm bu şartlarda tabiğiy monda, oyışmanıñ köçe häm eşçänlege arta. Ul zur ähämmiätle mäsälälärne çişä alaçaq.”

Gruziä Prezidentı Mixeil Saakaşvili, Ukrainal Prezidentı Viktor Yuşçenko, Azerbäycan Prezidentı, İlham Aliyev häm Moldova Prezidentı Vasili Tarlev bügen samitte köp-taraflı söyläşülär alıp bardılar.

4 il, xäzerge waqıtta Dniester buyı, Könyaq Osetiä häm Abxaziädäge cirle Rusiä xärbi köçe urnına tınıçlıq saqlaw köçläre urnaştıru mömkençelegen qaraw xaqında kileşende.

Gruziä Tışqı eşlär ministrı Gela Bejuaşvili başlangıç adımnar xaqında, kiçä Azarbäycan başqalasına kilgän dä uq bolay iğlan itk’n ide:

"Bez yaqın kiläçäktä Tınıçlıq saqlaw oparatsiälären başqara alırlıq ber GUAM xärbe köçe buldıru xaqında kileştek. ul xärbi genä tügel, militsiä eşlärendä dä yärdem itäçäk. Bu bik ähämmiätle ber mäsälä, häm bez üz illärebezdä, urtaq strategiälär üsterü, häm iñ möhime, bu maqsatnı tiz arada başqaru öçen cäwaplı keşelärgä bu wazifälärnı tapşırdıq.“

Bügenneñ töp kön üzäk teması, Ukraynanıñ Odessa belän Brody şähärläre arasındağı neft-ütlärgeçeñ ozınaytu mäsäläse ide. Bu täqdim näticäsendä neft ütkärgeçe Polşanıñ Plocki şähärendäñ Baltıq diñgezeneñ Gdanski portına xätle suzılaçaq.

Ozınaytılğan neft-ütkärgeç yärdemendä Azarbäycan da üz neftın Rusiä aşa Könçığış Yewropağa ozata alaçaq.

Sammitkä, Polşa Prezidentı, Lech Kaczynsky, Litva Prezidentı Valdas Adamkus häm Romaniädän Traian Basescu kebek Yewropa illäre citäkçeläre küzätüçe bularaq qatnaşa.
XS
SM
MD
LG