Başqortostan urmandarźı auksionda hata. Bıyıl Böryän, beloret, Asqın, Äbyälil, Yılayır, Qariźel rayondarında 90 meñ kubometr ağas auqtsion aşa hatılğan. Respublika qaźnahına bınan 12 milion hum samahı qağıź rubl kilä. İleş, Dürtöylö taraftarında köslö dauıl urmandarźı tuźźırğandan huñ xökümät premer- ministrı urınbaśarı Şamil Vaxitov bıl auksiondarźı böryän yaqtarında tuqtatıp dauıl ütkän urındarźağı ağastarźı hatıu ösön oyoştororğa täqdim itkäyne. Ä dauıl utkän urmandar haman da şul kileş qala birä. Urındağı xalıq qına qasıp-bośop utın-maźar äźerläy. Urman- federal mölkät. ¦źäktän Farman bulmay torop unı taźartıu küñelheź tamamlanıuı ixtimal tip bildäläne premer- ministr Rafael Baydäülätov:
Ä el- dauıldar ihä haman da Başqortostandıñ nıqlığın hanay. Kisäge köslö el Öfö ergähendäge Çesnoqovqa auılında mäktäp häm balalar baqsaları qıyıqtarın alıp bärźe. Dmitriewqa xujalığında ber kelätteñ qıyığı la elle genä zıyan kürgän. Ber-ike kön aldaraq ihä Qaltası rayonı ¥ur Käşäk auılında la mäktäp, mäźäniät yorto, urındağı qolxoź känsäläre qıyıqtarı osqaynı. Kisä Öfölä lä el uramda sauźa itkän ber- nisä satırźı alıp osorğan, baytaq urındarźa ağastar auźı yäki botaqtarı hınıp töştö. Bıyıl Başqortostan el-dauıldan zıyandı nıq kürä.
