Ğafuri rayonı dawıldan zıyan kürde. Uzğan comğa kiçen nibarı 15 minut däwam itkän köçle cil bik küp yort häm binalarnıñ tübälären qayırğan, meñ gektardan artıq urmannı qiratqan. Zararlanğan binalar arasında rayon xastaxanäse dä bar. Xastaxanädäge 92 awıru evakuatsiälängän. Operatsiä bülegendä yatuçı 5 qatı awıru Stärletamakqa ozatılğan, ber öleşe kürşe rayonnarğa, ciñel awırular yortlarına qaytarılğan. Alarnı yortlarına taratu öçen maxsus maşinalar bülengän.
Ağaç awıp elemtä häm elektr çıbıqları özelgän. Elektr özeklege tulısınça beterelmägän.
