Accessibility links

Azatlıqqa SMS kilde: “Öy aldında üskän yükälärne kem kisep taşlağan?”


“Azatlıq”qa möräcäğät itü yulları küp törle: ğädäti xat cibärü, internet aşa elektron xat cibärü, telefon aşa Qazan byurosına, yäki , baş redaksiägä Pragağa elemtägä çığu ısulları qullanırğa mömkin.

Küptän tügel Azatlıqnıñ Pragada, baş redaksiägä käräzle telefon aşa SMS yazmaları cibärü mömkinlege açıldı. Bu yul belän härkem qayda buluına qaramastan, Pragağa xat yazıp, Azatlıqnıñ daimi räweştä üzgärep torğan yışlıqların soratıp ala алa. Bu oçraqta yışlıqlar üzgärgän sayın, sorağan keşelärgä, üzgärgän yışlıqlar turında mäğlümat cibärelä. Şul uq SMS cibärü yulı belän , tıñlawçılar üzläre yäşägän töbäktäge yañalıqlar turında xäbär itä alalar. Sorawlar da birergä mömkin. Monıñ öçen Azatlıqnıñ käräzle telefonınıñ 8-96 00 55 17 29 nomerına sorawnı yazıp cibärergä bula. Küptän tügel Azatlıqqa, Qazannan cibärelgän SMS xatı kilgän. Ul şaqtıy üzençälekle xat bulıp çıqtı.

Bezgä kilep ireşkän xäbärdä Qazandağı Gvardiä uramı 56-nçı yort qarşında, bıltır utırtılğan 30-lap yükä ağaçların, wäxşilärçä kisep öyep quyuları turında äytelä. Bu turıda borçılıp, şul yortta yäşäwçe, Rafail' Ğabidullin “Azatlıq”qa bolay dide :

“İke yıl elek bezneñ yortnı salğan JBİ-3 tözeleş firması 30-lap yükä alıp kilgännär ide . Bez şuşı Gvardiä uramındağı 56 -nçı yortta yäşäwçelär, ul yükälärne utırtıp çıqqan idek. Alar menä digän bulıp üsep kitkännär ide. Menä şul yükälärne wäxşilärçä kisep taşlap ike öyemgä öyep kitkännär . Bu turıda da Azatlıq radiosında söyläşü bik zarur bulır ide”,- dide.

Şulay itep, Qazanda yäşäwçe Rafael' Ğabidullinnıñ mobil' telefonınnan Azatlıqqa şaltıratırğa mäcbür buluı, munitsipal' xakimiätneñ xezmätläre qazanlılar öçen caylanıp betmäwen kürsätä. Yükälärneñ kem kisüen açıqlar öçen Bez sorawnı Qazan şähäreneñ yäşellekne saqlaw inspeksiä oyışmasınıñ başlığına birdek. İnspeksiä başlığı Alla Kargina äle bu xälneñ alarğa bilgele bulmawı turında äytte , häm “ Waqıt kiräk, bez monı açıqlarbız häm añlatırbız” dide ul . Läkin älegä Qazan şähäreneñ yäşellekne saqlaw inspeksiä oyışmasınnan bezgä xäbär kilmäde.

Annan soñ bez bu yortnıñ cawaplı keşelären ezlädek. Sovet rayonında Gvardeyskaya uramındağı 56-nçı yortta yäşägän xalıq , toraqlı milekçelär cämğiäte, rusça äytkändä TSJ äğzaları ikän. Cämğiätneñ räise itep saylanğan, Al'bert Ğaynetdinov bezgä bu xaqta menä närsä dide:

“Bez yort öçen häm bu yortnıñ kommunikatsiäläre öçen genä cawap biräbez. Yort aldındağı cir öçen cawaplı tügel, çönki bu territoriä bezneke tügel , ul munitsipal' milek”.

Ämma Al'bert Ğaynetdinov ta yükälärne kisep taşlawçılarnı belmi. Küp kenä cirlärgä şıltıratıp qarasaq ta, yükälärne kem kiskänen açıqlıy ala almadıq.

Kiselgän yükälärne kire qaytarıp bulmıy, älbättä . Mondıy küñelsez oçraqlar kilep çıqmasın öçen, keşelär, cirle üzidarä häm munitsipal' berämleklär, yäğni, xalıqnıñ üz xakimiäte, şähärlär häm awıllarda saylap quyılğan idäräçelek belän urtaq tel tabırğa tieş.

Rafail' Ğabidullinnıñ bezgä birgän mäğlümatları xakimiätkä, cirle üzidarägä barıp citär, dip äytep bulmıy. Şuña da qaramastan, Azatlıq radiosı aşa yazılğan SMS xatları , käräzle telefon aşa elemtälär şaqtıy möhim mäs'älälär quzğattı. Zamança mäğlümat texnologiäse yärdämendä mondıy elemtälär keşelärgä alarnıñ tormışın caylarğa yärdäm itä.

Grajdanlıq cämğiäte üssen öçen elemtälär yaxşı bulırğa tieş. Keşelär , ayırım şäxeslär häm xakimiät arasında elemtä cepläre özelergä tieş tügel. Azatlıq radiosınıñ SMS nomerın istä qaldırığız , yazıp alığız: 8 – 96 00 55 17 29

Mälikä Basıyr

XS
SM
MD
LG