Ufada Rusiä xökümäte räiseneñ berençe urınbasarı Sergey İvanov bulıp kitte. Anı Ufa hawa alanında Başqortstan Prezidentı Mortaza Räximov, däwlät cıyılışı räise Konstantin Tolkaçev, premyer-ministr Rafael' Baydäülätov, federal' inspektor Engel's Kolmöxämmätov häm başqa räsmi keşelär qarşı aldı. İvanov säfären sport mäydanı açudan başladı. Ul “Yaña buın” isemle sport programmaları fondınıñ bağuçısı da bularaq, sport qorılmaları büläk itte. Sport mäydanı tözeleşenä kitkän aqçanıñ yartısın Ufa xakimiäte bülsä, qalğanın älege fond bülgän.
Sergey İvanov Başqortstanda sportqa zur iğtibar bülenüen assızıqladı häm yäşlärgä uñışlar teläde. Mortaza Räximov isä respublikada tözelüçe sport qorılmaların telgä aldı. Artaban İvanov Motorlar tözü berläşmäsendä buldı. Säfäreneñ axırında Respublika yortında Räximov belän fiker alıştı. Älege säfärgä qağılışlı östämä mäğlümatlar belän aldağı xäbärlärebezdä tanıştırırbız.
