Putin cämäğäte Lüdmila belän Bushnıñ Mayne ştatındağı xosusıy bilämäsenä yäkşämbe könne kilde. Moñarçı Bushnıñ bu yortqa ber genä çit il citäkçesen dä çaqırğanı yuq ide.
Waqıyğa urınınnan Azatlıq xäbärçese Yuriy Jigalkin belderüençä, Putinnı Bush yortı yanında rizasızlıq cırları cırlap, Ğiraq suğışın tuqtatırğa çaqırıp 1 meñläp demonstratsiäçe dä qarşılağan.
Anda şulay uq "Bez ni telibez? Impiçment. Qayçan? Xäzer" digän şiğarlär dä yañğıradı.
Berençe könne Bush belän Putin 2 säğät çaması formal bulmağan söyläşülär ütkärde. Rusiä tışqı eşlär ministrı Serge Lavrov ul söyläşülär bik dustanä ruxta häm yumor xise belän ütte dide.
"Tormış turında söyläştelär. Quşma Ştatlardağı, Rusiädäge wäzğiät turında, ike ildäge demokratiäneñ tärräqiäte turında söyläştelär. Ike prezident ta ni genä bulmasın, Mäskäw belän Waşington arasındağı mönäsäbätlärneñ saylawlarğa bäyle eçke säyäsi wäzğiät totığı bulmasqa tieşlegen bik yaxşı añlıylar" dide Lavrov.
Waşington da, Mäskäw dä bu oçraşudan nindi dä bulsa räsmi kileşülär kötärgä kiräkmi dip kisätä.
Oçraşu Rusiä belän AQŞ arasında mönäsäbätlär şaqtıy kierenkeläşkän çorğa turı kilde.
Mäskäw Waşingtonnıñ Çexiä belän Polşada raketa qalqaın urnaştırıru niätlärenä kisken qarşı çığa.
Ike il şulay uq Serbiädän ayırılırğa teläwçe Kosovonıñ kiläçäk statusı turıda da urtaq fikerdä tügel.
Şulay uq Waşington Irannı atom programmasınnan baş tartırğa künderü söyläşülärendä Mäskäw tieşençä basım yasamıy dip isäpli.
Waqıyğa urınınnan Azatlıq xäbärçese Yuriy Jigalkin belderüençä, Putinnı Bush yortı yanında rizasızlıq cırları cırlap, Ğiraq suğışın tuqtatırğa çaqırıp 1 meñläp demonstratsiäçe dä qarşılağan.
Anda şulay uq "Bez ni telibez? Impiçment. Qayçan? Xäzer" digän şiğarlär dä yañğıradı.
Berençe könne Bush belän Putin 2 säğät çaması formal bulmağan söyläşülär ütkärde. Rusiä tışqı eşlär ministrı Serge Lavrov ul söyläşülär bik dustanä ruxta häm yumor xise belän ütte dide.
"Tormış turında söyläştelär. Quşma Ştatlardağı, Rusiädäge wäzğiät turında, ike ildäge demokratiäneñ tärräqiäte turında söyläştelär. Ike prezident ta ni genä bulmasın, Mäskäw belän Waşington arasındağı mönäsäbätlärneñ saylawlarğa bäyle eçke säyäsi wäzğiät totığı bulmasqa tieşlegen bik yaxşı añlıylar" dide Lavrov.
Waşington da, Mäskäw dä bu oçraşudan nindi dä bulsa räsmi kileşülär kötärgä kiräkmi dip kisätä.
Oçraşu Rusiä belän AQŞ arasında mönäsäbätlär şaqtıy kierenkeläşkän çorğa turı kilde.
Mäskäw Waşingtonnıñ Çexiä belän Polşada raketa qalqaın urnaştırıru niätlärenä kisken qarşı çığa.
Ike il şulay uq Serbiädän ayırılırğa teläwçe Kosovonıñ kiläçäk statusı turıda da urtaq fikerdä tügel.
Şulay uq Waşington Irannı atom programmasınnan baş tartırğa künderü söyläşülärendä Mäskäw tieşençä basım yasamıy dip isäpli.