Accessibility links

Кайнар хәбәр

Sergey Mironov: Öföneñ Mäskäwdän ayırım iğtibar talap itergä tulı xoquğı bar


Räsäyźeñ federatsiya şurahı räyese Sergey Mironov töbäktär menän federal üźäk arahındağı kileşeüźärgä qarşı. Bıl turala ul kisä Öfölä kiñ mäğlümät saraları baş möxärrirźäre menän osraşıuźa belderźe. Unıñ hüźźärenä qarağanda, töbäk menän federal ministrlıqtar arahında kileşeüźär töźörgä käräk. Ul waqıtta federal üźäk menän töbäktär arahındağı barlıq añlaşılmausanlıqtarźıñ yuqqa sığıuı ixtimal. Sergey Mironov äyteüensä, Tatarstan menän federal üźäk arahında qul quyılğan kileşeü döröś tügel, xata. Min unıñ ösön tauış birmänem. Başqasa bınday kileşeüźär bulırğa teyeş tügel.

Sergey Mironov şulay uq Tatarstan menän Mäskäü arahındağı kileşeüźeñ kiläsäge yuq tip belderźe. Şul uq waqıtta Federatsiya şurahı räyese Başqortostan menän Räsäy berźämlegeneñ 450 yıllığı aldınan Başqortostan menän qayhı ber federal ministrlıqtar arahında kileşeü töźöü käräklegen bildäläne. Başqortostandıñ federal üźäktän ayırım iğtibar talap itergä tulı xoquğı bar tine Sergey Mironov. Federatsiya şurahı räyeseneñ bıl hüźźäre üź partiyahına Başqortostanda teyeşle tauıştar yıyıu ösön yañğırauıqlı beldereü buldımı, unıhı bildäheź. Ämmä respubliqa etäkselege uğa añlatma bireüźe käräk tip tapmanı. Etmähä, Başqortostan da federal üźäk menän kileşeü proektın äźerläp yata. Qayhı ber sığanaqtar xäbär iteüensä, Räsäy prezidentı Vladimir Putindıñ Başqortostan menän Räsäy berźämlegeneñ 450 yıllığına kilgäs, unı doqument menän tanıştırıuźarı ixtimal. Äle yubileyğa tulı äźerlek bara.
XS
SM
MD
LG