НПБ партиясе кануннан тыш

Русиянең Югары мәхкәмәсе “Национал большевик партиясен” экстремист партия дип тану һәм аны тыю карарын көчендә калдырды. Эдуард Лимонов бу карарны хәзер Европа мәхкәмәсендә тикшертергә ниятли.

Ике ел элек Мәскәү өлкәсе мәхкәмәсе, прокуратура дәгъвәсе белән НБП партиясен гамәлдән чыгарды. Ул вакытта партия иҗтимагый оешма буларак үзгәртеп корылган иде. Апрель аенда Мәскәү мәхкәмәсе бу оешманы гөмүмән тыю турында хөкем карары чыгарды.