Accessibility links

Кайнар хәбәр

Ğiraqta ber ük waqıtta yasalğan bombalı höcümnär yäzidi xalqın qırıp saldı


Ğiraqlı räsmilär, kiçä Ğiraqnıñ tönyağında ber-bersenä bäyle bomba şartlawlarında 200läp keşe xälaq buldı, yözlärçäse yaralandı dip belderä. Monıñ, islam barlıqqa kilgänçe uq Ğiraqnıñ tönyaq-könbatışında üz dinnäre belän yäşäğän qabilä - Yäzidilärgä qarşı - intixar höcüme dip buluı farazlanıla.

Kimendä 4 dänä dip isäblägän yağulıq taşığan maşinalar, sişämbe kön axşam waqıtında Yäzidi awıllarına yünälderelä häm alar barsıda ber uq waqıtta şartlatıla.

İñ zur faciğa, Xahtaniä awılında bula. Anda ber niçä yağulıq taşığan maşinalar, xalıq cıyılğan avtobus tuqtalışına yaqın cirdä şartlatıla.

Distälägän binalar astında qalğan xalıqnı da isäbkä alğanda, qorbannar sanı artır dip kötelä. AQŞ xärbiboralaqları, qorbannarnı qotqaru öçen, alarnı zurraq rayon üzäklärendäge xastaxanälärgä eltergä bulışa.

Älege höcüm, Ğiraqta 4 yıl buyı däwam itkän bäreleşlär waqıtında bulğan iñ qanlı faciğälärdäñ berse bularaq telgä alına. Ğiraqtağı Azatlıq xäbärçese, Faris Ğömär, Yäzidilärgä qarşı monnañ elek dä terror höcümnäre bulsa, mondıy uq zur bulmağanı yuq ide dip belderä.

Ğömär, yäzidilär arasında möselmanlıqnı qabul itkän öçen ber qıznıñ üterelüennäñ soñ, Kürt azçılıqlarğa qarşı höcüm belän yanawlar arttı di.

“Möselman söyärkäsenä kiyäwgä çığar öçen möselmanlıqnı qabul itkän ber Yäzidi qız xalıq aldında taş atıp üterelde. Häm bu terroristlär häm başqa qorallı suğışçılar öçen “şaytanğa tabınuçı käferlär” dip sanalğan Yäzidälärgä qarşı höcümnär oyıştıru öçen ber säbäb buldı.”

Yäzidi dine islamnañ elek barlıqqa kilä. Sonınnañ aña islam, xristian, yähüdi häm mäcüselek elementläre kertelä. Alar qaysı möselmannar tarafınnañ Şaytannı, Xodaynıñ iñ qaderle färeştäse bularaq qabul itep aña doğa itkännäre öçen käferlär dip tä atala. Köpçelege kördlär bulğan bu dinne totuçılar ber niçä yöz meñ keşe dip isäblänä.

Bu höcüm öçen cäwaplılıqnı üz östenä aluçu yuq. Läkin äl-Qaidä yäisä aña bäyle ğisyançılar tarafınnañ oyıştırıluı farazlana. Associated Press xäbär agentlığı, äl-Qaidägä bäyläneşe bulğan ber ğiraqlı törkemneñ, uzğan ayda “İslamğa qarşı bulğannarı öçen - Yäzidilärgä qarşı höcüm” xaqında kisätü yasap tübäktä kitapçıq taratqannarın belderä.

Azatlıq xäbärçese, AQŞ köçläre başqala tiräsendä iminlekne arttırğan öçen uzğan ay, terrorçı törkemnärneñ Bäğdadtañ kitkännären belderä .

“Xalıqara köçlär tarafınnañ alıp barılğan iminlek çaraları, terorçı törkemnärne çaralar barğan möxettäñ çitkä çığarğa mäcbür itte dip farazlanıla. Häm alar xäzer höcümnäreñ başqalarğa yünälderä başladı. Häm bu ciñel höcümnärneñ Ninevehdä , üz aralarında biklänep yäşägän yäzidilärgä qarşı yönäldergän buluı xaqında farazlar bar.”

Waşiñton bu höcümne waxşilek dip xökem itä. Däwlät Departmentı süzçese, Dana Perino, AQŞnıñ mondıy yawız höcümnärne beterü öçen Ğiraq köçlärenä buluşaçağın wäğdä itte.
XS
SM
MD
LG