Ике кешене – Таҗикстан белән Дагыстан ватандашларын азаплап үтерү язылган видиоязмасын интернетта урнаштыручы Адыгей башкаласы Майкопта тоткарланган. Тоткарланучы - югары уку йорты студенты, сорау алган вакытта, ул язманы үзе дә интернеттан күчереп язуы һәм яңадан интернетка урнаштыруы хакында сөйләгән.
Үтереш төшерелгән язма интернеттта узган ял көннәрендә барлыкка килде. Ул тасманы кем төшергән - бу хакта билгесез. Тикшерүләр дәвам итә.
