Accessibility links

Кайнар хәбәр

Gretsiä zur yanğınnar belän köräşä


Gretsiä, ilneñ zur öleşeñ urap alğan zur yanğınnar belän köräşä. Qurqınıç, tarixi urınnarğa da yaniy. Yanğınnarnıñ kübese maxsus ut-törtüdäñ çıqqan digän şik bar.

Gretsiänıñ Peloponnese yarımutrawına qadär yotıp alğan yanğında, xälaq bulğannar sanı 63kä citte.

Ber meñ tiräse yanğın süderüçe, arta barğan xalıqara yärdemnär belän, ilneñ 30 dañ artıq cirendä qabınğan yanğın belän köräşä.

Gretsiä Yanğın bülege süzçese, Nikos Diamentis, Athenada yasağan matbuğat çığışında, xalıqara yärdämnär öçen räxmät belderep,

“Bik küp illär östämä yärdäm cibärä, Kibrıs 6 yanğın maşinası belän, 60 yangın sünderüçe cibärde, Fransiä dä, 4 oçqıçı belän 60 yangın sünderüçe häm İtaliä 2 oçqıçıñ cibärde.” dide.

Yanğın çıqqan urınnarnıñ berse, Olympia uyınnarı tuğan cir, Olympkä yaqınayğan. Läkin räsmilär äytüençä, yanğın klasik şähärgä zarar birer aldınnañ tuqtatılğan. Cirle muzeydäge bik qimmätle, tarixi äsärlärgä dä zarar bulmağan.

Läkin Olympia tiräsendäge park häm urmannar, zarardañ qotıla almağan. Yunan TV ekrannarında, Olympianıñ tiräsendä, xäzer yanıp betkän tawlar häm ağaçlar kürsätelde.

Peloponnese yarımutrawınıñ könbatış yağında, awıllarda yäşägän xalıq başqa cirlärgä küçerelä. Greko rayonı xalıqınnañ 89 yäşlek ber äbi, küçerü waqıtında xisläre belän bolay urtaqlaşa ide:

"Min bik qayğıram, öyemne taşlap kitärgä mäcbür bulğanım öçen qayğıram. Ul xäzer yanıp betäçäk. "

Bu faciğada şok täsere yasağan närsä, Premyerneñ Yanğınnarnıñ maxsus ut-törtüdäñ çığuına şikl belderüe ide.

Gretsiä räsmiläre, maxsus ut törtüçelärneñ tabılıp qulğa alunuı öçen mäğlümät citkerüçelärgä 100 meñdän alıp 1 million euroğaça, aqçalata büläk bireläçägen iğlan itte.

Bıyılğı ğadättäñ tış qızu hawalar häm qurulıqnıñ yanğınnıñ şundıy tiz taraluına säbäb bulğandır dip isäblänä. Läkin Yunanstada, küptännäñ maxsus oyıştırılğan yanğınnar belän köräşä.

Qanunda, Urman cirendä yortlar salırğa yaramıy. Läkin qaysı ber dorfa tözüçelär barı tik ber närsäne genä istä tota, Urman bulmasa problemdä yuq. Yewropa Berlegendäge illärdäñ ayırmalı bularaq, Gretsiädä, bu xaqta milli urman cirläre kiñlege terkälmägän, häm yanğınnañ soñ, urmannıñ qayğa xätli cäyelgän buluın häm qayğa yañadañ ağaç utırtasıñ çamalap bulmi.

Yaña yortlar salırğa telägännär, cirne ağaçlardañ arındıru öçen ut-törtep yandıruçılarğa aqça tüli ikän.

Läkin bıyılğı xällär, alar bu eşne artıqraq tırışqannar dip äytergä urın birä. Axırda yangınnar milli qaygığa äylände. Xalıq xäkimiätne tirä möxetne saqlawda citärlek çaralar kürmäw häm yanğın belän köräştä äkrin reaksiä kürsätüdä ğayeple.

Yanğın tirä möxetkä häm keşelärgä ziyan kiterü belän bergä 16nçı Sentäbrdä saylawlarğa barğan xaqimiätkä dä zarar biräçäk kebek tora.
XS
SM
MD
LG