Accessibility links

Кайнар хәбәр

Üzbäkstan: Aşamlıq bäyäläreneñ artuına Färğana xalqı rizasılıq belderä


Üzbäkstan Färğana Üzänlege, Oltiariq rayonı xalqı, artqan aşamlıq bäyälärenä protest belderep uramnarğa çıqtı. İlneñ könçığış şähärlärendä dä moña oxşaş uram cıyınnarı däwam itä. Xäbärlärgä qarağanda, Färğana üzänlegendä milisiä xezmätkärlekläre iminlekne arttırğan häm saqçı köçlärdä äzer wazğiyättä tora ikän.

İt, on häm may kebek aşamlıq larnıñ bäyäse artuına açu berldergän Oltiariq xalqı uram cıyınnarı uzdırdı.

Distälägän protestçı, Yangi-Arap awılınnañ Oltiariq rayon idarä binasına qadär yörep annañ Färğana Töbäk xaqimiäte binasına yul tottı.

Abdusalom Ergashev, Färğana keşe xoquqları aktivistı. Ul cirle xaqimiät räsmiläre xalıq belän oçraştı dip äytte.

“Oltiariq xalqı protest çarası oyıştırdı. Qaysı beräwlär Färğana töbäk xaqimiätenä qadär bardı. Xaqimiät başlıqları, protestçılar belän oçraşıp, söyläştelär häm alarnı tınıçlandırıp Oltiariqqa ozatıp cibärdelär”

Protestlär Üzbäkstannıñ könçığıştağı başqa şähärlärendä dä bulğan. Bäysez ber internet saxifäse xäbärendä, Andican, Namağan, häm Färğana rizasızlıq çaralarına qatnaşqan şähärlär arasında.

Andicanda Xalıq belän iminlek köçlär arasında bulğan çualışlarda küp sanda keşe qulğa alınğan digän ğaybätlär, Taşkenttä dä eşetelgän. Cirle matbuğatta qulğa alular xaqında mäğlümät bulmadı. Avgust urtalarında bu xäbärlär taralğan waqıtta, däwlät TVläre, Andican xaqında, abdağı bäxetle häm tınıç tormışnı taswirlägän dokumental film kürsätä ide.

Bäysez internet saxifälärennäñ berse, fergana.ru adresendä çıqqan xäbärdä, Xaqimiät Färğana üzänlegendäge Margilan şähärendä, 5nçe sentäbrdän başlap Uramğa çığu tıyılaçaq diyelgän. Şul uq internet saxifäse, soñgı atnalarda Margilan şähärendä tärtipsezlek başlanuın belderä.

Keşelärdä qanäğatsezlek tudırğan tağın ber mäsälä, iske maşinalarnı qullanunı kimetü qararı. Jiguli häm Zaparojist kebek rus maşinaları, xaqimiät tarafınnañ, texnik standartlar belän kileşmi dip däğwä itelä.

Läkin, cirle aktivistlär häm xalıq bu qararnıñ asılında, Färğanada yasalğan maşinalarnı kübräk satu niäte tora di. Üzbäk-Korea urtaqlığında yasalğan UzDaeWoo maşinalarıñ alırğa äle xalıqnıñ köçe citmi. Yaña Nexia maşinas, aylıq xezmät xaqı 12 Amerikan dolları bulğan ildä, 15 meñ dollar tora.

Uzmetranom.com saxifäse, bu atna axırında, Prezident İslam Kärimov kiler aldınnañ Margilandağı iminlek çaralarınıñ arttıruluı xaqında äytä. Karimov Margilan şähäreneñ 2 meñ yıllığı çaralarına qatnaşaçaq dip xäbär itelä.

Sergey Ezhkov, uzmetranom.com säxifäsen alıp barğan bäysez jurnalist. Ul barlıq il xalqı, aşamlıqqa artqan bäyälärdäñ häm tübän eş xaqındañ qänäğät tügel di.

“Şähärlärdäge xällär ber-bersenä oxşaş bulsa da, Oltiariqta xalqı ber-bersen kübräk yärdämläşä.”

Artqan bäyälär belän, xäzer onnıñ kilosı, 1200 üzbäk sumı tora başqa süz belän äytkäntä, iñ äz räsmi eş xaqına yaqınça 6 kilo on alıp bula digän süz.
XS
SM
MD
LG