Baş qalanıñ töp mayźandarında Respublikanıñ 40 – qa yaqın rayonı eşsändäre üźäre üśtergän menän sauźa itte. Sauźağa başlısa it rizıqtarı, yäşelsä - emeş, bal sığarılğaynı. Yäşelsälär tigändän bında küberäk qartuf buldı, sögöldör, käbeśtä eźläüselär küp ine, tik ularźı hatıusılar ğına aź buldı. ,,Köźgö yärminkälär,, bıyıl da dekabrźeñ huñğı şämbehenä tiklem oyoştorola. Öfögä aźna hayın ike - ös tiśtä rayon xujalıqtarı kiläsäk. Azatlıq radiohı xäbärsehe Kirov rayonındağı sauźa barışın qarağaynı. Avrora kinoteatrı ergähendäge mayźanda başlısa Ğafuri rayonından kilterelgän rizıq hatıldı. Ber kön esendä bında 40 tonna qartuf, 18 tonna it, 12 yarım tonna bal hatılğan. Qala xakimdarınıñ yärminkälä xaqtar arzanıraq tigäne bik ük döröślökkä tura kilmähä lä, xalıq yärminkägä öyrängän, kibetkä qarahğanda, bında taźaraq ta sifatlıraq ta rizıq tiźär ular, hatıusılar źa üź tauarın maqtap ütkärä belä.
