Accessibility links

Başqorttar qoroltayı Öfö-2 qalasığın yaqlap sıqtı


Bötä donya başqorttarı qoroltayı başqarma qomitetı şurahı respubliqa xökümätenä möräjäğät qabul itte. Bıl möräjäğät Öfö- ike qalasığına bäyle. Unda äyteleüensä Öfö-ike qalasığı 5-se 16-sı bıuattarğa tura kilgän bik hiräk osray torğan tarixi- mäźäni häykäl. Möräjäğättä bildäläneüensä, xökümät urta bıuattağı Başqortostandıñ baş qalahı urınında yañı töźölöştär alıp barıu planın qaytanan qararğa teyeş. Öfö-ike qalasığın arxeoloğtar yañıraq asıqlanı. Tik bıl urında elitalı yorttar halıu planı bar. Başqorttar qoroltayı arxeoloğik qaźıuźarźı his yuğı tağı 5 yılğa huźırğa käräk tip iśäpläy. Häykäldeñ küp urındarın Başqortostan xalıqtarınıñ milli relikviyahı itep haqlarğa käräk tielä möräjäğättä. Qoroltay şurahı respublika xökümäte qaramağında tarixi-mäźäni, bını arxeoloğik tip añlarğa käräk bilämälärźä er- töźölöş eştären alıp barıuźı küźäteüźä totousı maxsus törköm oyoştororğa la käñäş itä.

Mäğlüm bulıuınsa, Öfö-ike qalasığı bilämälärendä oşo arala yañı yorttar hala başlau niätläşterelgän. Küp ğalimdar fekerensä, barlıq Könsığış Evropa ösön üźensälekle bıl urındı tikşereü ösön kämendä 10 yıl waqıt talap itelä.

Bötä donya başqortarı qoroltayı başqarma komitetı şurahında 450 yıllıq yubiley uñayınan uźğarılasaq qoroltayğa äźerlek barışı la qaraldı. Unda sit töbäktärźä yäşägän başqorttar deleğatsiyaları la qatnaşırğa teyeş. Tik älegä barıhı la saqırıu almağan. Mäśälän Tomsk ölkähendä 2 meñ başqort yäşäy. Urında bığa tiklem milli diasporanıñ Yalqın tip atalğan jurnalı la baśtırılğan. Tik xäźer ul başqortsahın yuğaltıp tik russa näşer itelä- säbäbe- başqortsa añlağan häm uqıy belgändär bulmauı. Saqırıu almağan Tom başqorttarı oqtyabrźä üźźärendä bayram yaharğa bulğandar.

Ä bına Siläbelä eştär yaqşıraq tora. Töbäktäge başqorttar üź telendä televidenie tapşırıuźarın qarau bäxetenä eyä buldı. Ölkäneñ Arğayaş rayonında Yuldaş televideniehı kürhätä başlanı.

XS
SM
MD
LG