Accessibility links

Кайнар хәбәр

Taciqstan tatarları gazet-jurnallar sorıy


Xamidä Loqmanova, 20-30 yıl elek taciqlarğa kiyäwgä çığıp tawlı Raşt rayonına kilgän tatar xanımnarınıñ berse. Bergä cıyılğanda alar tatar cırların cırlıy, söyläşep utıra, ämma taciqça yä rusça ğına...Sovetlar berlege tarqalğaç alarnıñ watannarı belän böten elemtäläre özelgän:

"Elek bez berniçä gazet-jurnal aldıra idek, xäzer bez alarnı ala almıybız. Bezgä yardäm kiräk, gazet-jurnallar ala alsaq bik küñelle bulır ide."

71 yäşlek Gölsirä apa Ğaliullinanıñ 6 balası, 31 onığı bar. Ul Taciqstannı watanı Tatarstan kebek yaratqanın äytte. Soñğı tapqır ul Tatarstanğa 20 yıl elek barğan bulğan, ansında da sağınuğa tüzä almıyça bik tiz Taciqstanğa äylänep qaytqan. Anıñ tuğannarı 90nçı yıllarda Taciqstanda watandaşlar suğışı başlanğançığa qadär yıl da qunaqqa kilä torğan bulğan. Läkin menä inde 10 yılğa yaqın tuğannarı belän bötenläy elemtä seözelgän Gölsirä apanıñ:

"Min alarnı bik sağınam, sağınam da cılıym, cılıym da sağınam. Çittä yäşäwlär bik awır."

Taciqstandağı tatar xatın-qızları taciq xanımnarın kiem tegärgä, tatar aşların peşerergä öyrätkännär, ämma balalarına tatar telen öyrätüne kiräk dip tä sanamağannar, alar bu xaqta Taciq redaksiäse xäbärçesenä söyläp birde. Balalarına alar barı tik tatarça bişek cırın cırlağannar. Taciqstan tawlarındağı Raşt rayonında ğömer itüçe tatarlar Azatlıq radiosı aşa Tatarstan häm Taciqstan xakimiätlärenä möräcäğät itä. Alar siräk kenä bulsa da Tatarstanğa qaytıp kilergä yardäm itüne, tatar gazet-jurnalların yañadan alıp bulu mömkinlegen birüne sorıy.
XS
SM
MD
LG