Accessibility links

Кайнар хәбәр

Etemdär aqsahına kereüselärgä tikşereü


Başqortostanda etemdär ölöşönä kergän etäkselär yauap tota. Respublika prokuraturahı quşıuı buyınsa kontrol-iśäp palatahı balalar yorttarı häm korrektsion-mäktäp internattarźı tikşergändän huñ oşolar bildäle buldı.

Ular 13 balalar yortonda aqsanı elgä tuźźırıuźı tikşergän. Asıqlanıuınsa küp yorttarźa sabıyźarğa öś häm ayaq keyemdäre eteşmäy ikän. Ularğa täğäyenlängän rizıqqa qul huźıu źa küp. Balalarğa teyeşle bulğan hut, yäşelsä- emeş teyeşle miqdarźa birelmägän, küberäk tuqmas menän hıylağandar. Öföläge 10 sı balalar baqsahı bilämäläre tulıhınsa asfalt menän qaplanha la direktorźıñ xujalıq eştäre buyınsa urınbaśarı nişläpter ğazondağı ülände saba torğan maşina hatıp alğan, etemdär aqsahına. Öföläge huqır yäki nasar küreüselär ösön maxsuslaşqan 28-se hanlı mäktäp-internatta la eteşheźlektär bixisap. Balalar yäşägän häm uqığan binalar talaptarğa bötönläy yauap birmäy. Unıñ direktorı İldar ğärifullin äyteüensä, bina iśke, oźaq yıldar bötönläy remont kürmägän, ul mäktäpkä direktor itep täğäyenlängäs kenä töźöklänldereügä totonğandar.

Başqortostanda 19 meñgä yaqın bala etem yäki qarausıhıź qalğan. Ular ösön 30 balalar yorto, 26 maxsus-qorrektsion mäktäp-internat, 4 sabıyźar yorto eşläy. Ber balanı qarau ösön bıltır yılına 125 meñ huñ talap itelhä, xäźer bıl han 148 meñ humğa etkän.

Korrektsiya mäktäp-internattarı 2006-sı yıl başınan qaźna iśäbenä finanslauğa küserelgän. Ä Başqortostanda qaźnanıñ 27 protsentı tap mäğarif tarmağına bülenä. Yäğni aqsa eterlek, qayźa totonolğanın ğına asıqlau käräk. Ä urlaşıuğa kilgändä, kem xäźer namıś menän yäşäy- aşnaqsıhı iten taşıha, başqaları başqahın tigändäy……

XS
SM
MD
LG