Украина парламентына вакытыннан алда үткәрелгән сайлауларның тавышлар исәбен алу тәмамланып килә. Әле барлык тавышларның 99 проценты саналган.
Гомум тавышларның 34 процент тирәсен җыеп, премьер-министр Виктор Януковичның “Төбәкләр фиркасе” элеккечә беренче урында бара. Аңардан 3 процентка калышып, Юлия Тимошенконың сайлау берләшмәсе икенче урында килә. Ә өченче урында - 14 процент тавыш җыйган президент яклы “Безнең Украина – Халык үзсаклануы” берләшмәсе.
Украина Югары Радасына шулай ук, 3 процент баскычын үткән коммунистлар һәм Владимир Литвин җитәкләгән берләшмә дә керә.
