“Талибан” сугышчылары янә баш калкыта

Әфганстандагы “Талибан” хәрәкәте сугышчылары Газни вилаятендәге төпкел бер районны басып алган. Хакимиятләр белдерүенчә, йөзләрчә гыйсьянчы үзган төндә бу төбәккә һөҗүм оештыра һәм аны артиллерия, ракета корылмаларыннан утка тота. Район идарәсе урнашкан бина яндырылган, полициянең ике хезмәткәре үтерелгән.

Анда хәзер хәрби көчләр һәм полициянең өстәмә бүлекләре җибәрелгән.