Natalya Estemirova Groznyda Memorial oyışmasınıñ Çeçnä bülegendä eşli. Londonda büläkne alır aldınnan Natalya Azatlıq radiosı xäbärçese belän söyläşkändä, üzeneñ tormıştağı iñ zur maqsatı turında äytte:
"Ulların, tuğannarın, irlären yuğaltqannar tikşerüne üzläre alıp barıp xattä ğayeple bulğannarnıñ isemnären belä, alar şul qadär küp mäğlümat cıya. Ä prokuratura däşmi qala. İkençe yaqtan, qayber oçraqlarnı professional advokatlar häm prokuratura ğına tikşerä ala. Rusiädä tügel, Çeçnädä hiç yuğı ber genä eşne tikşerep açıqlap bulsa ide."
Anıñ süzlärenä qarağanda, Çeçnä soñğı waqıtta cämäğätçelek iğtibarınnan çitkä kitte, ämma bu xällär yaxşıruın añlatmıy. Bik küp yäş keşe Rusiädä törmälärdä utıra, alarnıñ kübesenä qarşı cinäyät eşe tağılğan, alar anı qılmağan, di Estemirova. Memorial başqarğan eş, alar cıyğan mäğlümat Rusiädä iğtibarğa alınmıy. Qorbannarnıñ tuğannarı Strasburgtağı Keşe Xoquqları mäxkämäsenä möräcäğät itärgä mäcbür, di jurnalist xanım:
"Üzgäreşlär buldı, xällär naçarğa taba üzgärde. Keşe xoquqları belän wazğiät tağın da awırlaştı. 2000nçe yıldan birle Çeçnädä qılınğan cinäyätlär tikşerelmäde. Xökem qararları barı tik Strasburgta çığarıla. Anda ğına qorbannar – qorban bulıp, cinäyätçelär – cinäyätçelär bulıp atala, anda ğına – bu cinäyätlär Rusiädä tikşerelergä tieş dielä."
Dönyada suğış barğan qaynar noqtalarda eşlägän xatın-qızlarğa Anna Politkovskaya isemendäge bu büläkne birä başlaw – Bosniä, Kosovo häm Çeçnädä eşlägän jurnalist xanım Mariana Katzarova ideası. Bu – awır eştä bulğan xanımnarnı büläkläw häm Anna Politkovskaya isemen mäñgeläşterü öçen oyıştırıldı, dide Katzarova üze. Büläkneñ iäse kem bulaçağın 100 keşedän torğan törkem saylıy. Törkemgä Çexiäneñ elekke prezidentı Vaclav Havel, arxiepiskop Desmond Tutu, Yelena Bonner, Lyudmila Alekseyeva kebek xoquq yaqlawçılar kergän. 7 üktäber könne Anna Politkovskaya ülemenä 1 yıl tula.
"Ulların, tuğannarın, irlären yuğaltqannar tikşerüne üzläre alıp barıp xattä ğayeple bulğannarnıñ isemnären belä, alar şul qadär küp mäğlümat cıya. Ä prokuratura däşmi qala. İkençe yaqtan, qayber oçraqlarnı professional advokatlar häm prokuratura ğına tikşerä ala. Rusiädä tügel, Çeçnädä hiç yuğı ber genä eşne tikşerep açıqlap bulsa ide."
Anıñ süzlärenä qarağanda, Çeçnä soñğı waqıtta cämäğätçelek iğtibarınnan çitkä kitte, ämma bu xällär yaxşıruın añlatmıy. Bik küp yäş keşe Rusiädä törmälärdä utıra, alarnıñ kübesenä qarşı cinäyät eşe tağılğan, alar anı qılmağan, di Estemirova. Memorial başqarğan eş, alar cıyğan mäğlümat Rusiädä iğtibarğa alınmıy. Qorbannarnıñ tuğannarı Strasburgtağı Keşe Xoquqları mäxkämäsenä möräcäğät itärgä mäcbür, di jurnalist xanım:
"Üzgäreşlär buldı, xällär naçarğa taba üzgärde. Keşe xoquqları belän wazğiät tağın da awırlaştı. 2000nçe yıldan birle Çeçnädä qılınğan cinäyätlär tikşerelmäde. Xökem qararları barı tik Strasburgta çığarıla. Anda ğına qorbannar – qorban bulıp, cinäyätçelär – cinäyätçelär bulıp atala, anda ğına – bu cinäyätlär Rusiädä tikşerelergä tieş dielä."
Dönyada suğış barğan qaynar noqtalarda eşlägän xatın-qızlarğa Anna Politkovskaya isemendäge bu büläkne birä başlaw – Bosniä, Kosovo häm Çeçnädä eşlägän jurnalist xanım Mariana Katzarova ideası. Bu – awır eştä bulğan xanımnarnı büläkläw häm Anna Politkovskaya isemen mäñgeläşterü öçen oyıştırıldı, dide Katzarova üze. Büläkneñ iäse kem bulaçağın 100 keşedän torğan törkem saylıy. Törkemgä Çexiäneñ elekke prezidentı Vaclav Havel, arxiepiskop Desmond Tutu, Yelena Bonner, Lyudmila Alekseyeva kebek xoquq yaqlawçılar kergän. 7 üktäber könne Anna Politkovskaya ülemenä 1 yıl tula.