Бөтендөнья башкортлары корылтае башкарма комитеты утырышы булды. Анда башкорт корылтайларының Мәскәү, Санкт-Петербург, Сарытау, Чиләбе, Ырымбур, Курган, Свердлау, Новосибирск, Тверь, Омск, Кемерово, Калининград, Пермь, Иркутск, Татарстан, Удмуртия төбәкләре бүлекчәләре җитәкчеләре, шулай ук Үзбәкстан, Кыргызстан, Латвия һәм Португалиядә яшәүче башкорт диаспорасы вәкилләре катнашты. Утырышта узган корылтайдан соңгы һәм Башкортстанның үз иреге белән Русиягә кушылуының 450 еллыгы уңаеннан башкарылган эшләргә хисап бирелде. Резолюция кабул ителде.
