Baş qalala bildäle yaźıusı, şağir Mostay Kärimgä häykäl quyılasaq. Respubliqanıñ mäźäniät häm Milli säyäsät ministrlığı, Arxitektorźar berlege menän maxsus konkurs ta iğlan itte. Bäygegä täqdim itelgän häm iñ uñışlı tip tabılğan proekt buyınsa şağir häykäle eşlänäsäk. Unı Kirov uramında quyasaqtar.
Şağirźıñ tıuğan yağı- Şişmä rayonı Keläş auılında la Mostay Kärimdeñ muzey utarı töźöläsäk. Bıl törki telle xalıqtar yaźıusılarına arnap töźölgän täüge utar bulasaq. Muzey usadba un biş gektarźa urınlaşasaq. Oşo maqsatta Keläş tä er źä bülengän. Bında park, bäläkäy bıua eşläü źä qaralğan. Keläştä Mostay Kärimdeñ byusı la bulasaq.
Keläştäge muzey direktorı Ruşaniya Bayğujina äyteüensä, utar şağirźıñ tormoşon, unıñ ijadın tulıhınsa sağıldırırğa teyeş.
Äle komplekstıñ proektı eşlänä, eksponattar tuplana. Žıñğıhına kilgändä muzeyźa bildäle yaźıusınıñ şäxsi äyberźärenän tış, unıñ törlö yıldarźağı fotoräsemdäre lä quyılasaq.
