Башкортстан хөкүмәте төп азык-төлекләргә бәяләрнең күтәрелүенә каршы эш башлаган иде. Инде кайбер чаралар да күрелә башлады. Республикадагы 6 зур сәүдә челтәре сату өчен өстәлгән бәяләрне 10 проценттан да арттырмау турында документ имзалады. Аңа “Пятерочка”, “Матрица”, “Фурор”, “Ярмарка”, “Полушка” һәм “Магнит” сату үзәкләре керә. Бу сәүдә челтәрләре республикадагы азык-төлек базарының дүрттән берен тәшкил итә.
