Кеше хокукларын яклаучылар Алишер Сәиповны үтерүне ныклы тикшерергә чакыра

Дөнья илләре кеше хокукларын яклаучылары Кыргызстанны бәйсез журналист Алишер Сәиповны үтерүне җентекле тикшерүне тәэмин итәргә чакыра.

Сәипов 24 октябрьдә Кыргызстанның көньягындагы Ош шәһәрендә атып үтерелде.

Кыргызстан президенты янындагы кеше хокуклары комиссиясе башлыгы Торсынбәк Акун бәйсез журналистның үлеменә тирән үкенеч белдерде һәм Кыргызстанда башкача андый үлемнәргә юл куймаска кирәк, диде.