Ğiraq saqlanu ministrlığınıñ matbuğat wäkile täqdimnärne uqıp birde:
"Ğiraq xökümäte Törkiägä nizaqnı çişü täqdimnäre belän möräcäğät itte: çik buyın kontrol itäçäk xalıqara xärbi köçlär cıyu häm ikençese, Ğiraqnıñ Kördistan töbägendä texnik häm xärbi mäsälälär öçen cawaplı bulaçaq ike yaqlı berdäm komissiä tözü."
Tärkiä tışqı eşlär ministrlığı täqdimnär öçen räxmätle buluın belderde, ämma alarnı ğamälgä aşıru ozaqqa suzılaçaq, dide. Törkiä premyer-ministrı urınbasarı Cämil Çeçek, Ğiraq wäkilçelegenä Törkiägä tapşırıluı soralğan PKK äğzaläre isemlege tapşırılğanın äytte.
İsemlekkä niçä keşe kergäne bilgesez. CNNnıñ törek telle kanalı Törkiä 153 PKK äğzasen üzenä tapşırunı sorağan, dip xäbär itte. Ğiraq räsmiläre alarnıñ 18zen Törkiägä tapşıra alaçaqların beldergän. Ämma CNNnıñ bu xäbäre bäysez çığanaqlarda raslanmağan.
Quşma Ştatlar häm Yevropa Berlege tarafınnan terror oyışması dip bäyälängän kördlärneñ PKK oyışmasınıñ Ğiraqta 3 meñgä yaqın äğzase bar dip isäplänä.
Törkiägä köç qullanudan tıyılırğa çaqırğan xalıqara basım däwam itä. Uzğan yäkşämbe könne PKK suğışçıları törek xärbilärenä höcüm itkännän soñ Törkiä dä suğışçılar bazaların utqa totqan ide. 12 törek xärbie häläk bulıp, 8ze xäbärsez yuğalğan ide.
Törkiä citäkçelege tönyaq Ğiraqqa qarşı iqtisadi çikläwlär täqdim itte. Atnakiç könne prezident Abdulla Gül, Törkiä, Ğiraq xökümäteneñ körd suğışçılarına qarşı çaralar kürüen ğömer buyı kötä almıy, dip belderde:
"Ğiraqnıñ territorial bötenlegen häm berlegen xörmät itügä qaramastan, Törkiä, Ğiraq cirennän üzenä qarşı terror ğamälläre qılınuına tüzep tormayaçaq. Bez yanağan bu qurqınıçnı beterergä qarar qılabız."
Kiläse atna noyaberneñ 2se häm 3sendä İstanbulda töbäktäge illärneñ tışqı eşlär ministrları cıyılıp Ğiraq turında fiker alışaçaq.
Comğa könne Törkiäneñ xärbi köçläre başlığı general Yasar Büyükanıt, premyer-ministr Recep Tayyip Erdoğan körd suğışçılarına qarşı xärbi çaralar başlaw ixtimalın AQŞ prezidentı George Bush belän söyläşäçäk, dip belderde. Oçraşu Waşingtonda, 5nçe noyaberdä bulaçaq.
Tönyaq Ğiraqtağı amerikan xärbi citäkçese general-mayor Benjamin Mixon, töbäktäge AQŞ ğaskärläre xärbi çaralarda qatnaşmayaçaq, dip belderde.
"Ğiraq xökümäte Törkiägä nizaqnı çişü täqdimnäre belän möräcäğät itte: çik buyın kontrol itäçäk xalıqara xärbi köçlär cıyu häm ikençese, Ğiraqnıñ Kördistan töbägendä texnik häm xärbi mäsälälär öçen cawaplı bulaçaq ike yaqlı berdäm komissiä tözü."
Tärkiä tışqı eşlär ministrlığı täqdimnär öçen räxmätle buluın belderde, ämma alarnı ğamälgä aşıru ozaqqa suzılaçaq, dide. Törkiä premyer-ministrı urınbasarı Cämil Çeçek, Ğiraq wäkilçelegenä Törkiägä tapşırıluı soralğan PKK äğzaläre isemlege tapşırılğanın äytte.
İsemlekkä niçä keşe kergäne bilgesez. CNNnıñ törek telle kanalı Törkiä 153 PKK äğzasen üzenä tapşırunı sorağan, dip xäbär itte. Ğiraq räsmiläre alarnıñ 18zen Törkiägä tapşıra alaçaqların beldergän. Ämma CNNnıñ bu xäbäre bäysez çığanaqlarda raslanmağan.
Quşma Ştatlar häm Yevropa Berlege tarafınnan terror oyışması dip bäyälängän kördlärneñ PKK oyışmasınıñ Ğiraqta 3 meñgä yaqın äğzase bar dip isäplänä.
Törkiägä köç qullanudan tıyılırğa çaqırğan xalıqara basım däwam itä. Uzğan yäkşämbe könne PKK suğışçıları törek xärbilärenä höcüm itkännän soñ Törkiä dä suğışçılar bazaların utqa totqan ide. 12 törek xärbie häläk bulıp, 8ze xäbärsez yuğalğan ide.
Törkiä citäkçelege tönyaq Ğiraqqa qarşı iqtisadi çikläwlär täqdim itte. Atnakiç könne prezident Abdulla Gül, Törkiä, Ğiraq xökümäteneñ körd suğışçılarına qarşı çaralar kürüen ğömer buyı kötä almıy, dip belderde:
"Ğiraqnıñ territorial bötenlegen häm berlegen xörmät itügä qaramastan, Törkiä, Ğiraq cirennän üzenä qarşı terror ğamälläre qılınuına tüzep tormayaçaq. Bez yanağan bu qurqınıçnı beterergä qarar qılabız."
Kiläse atna noyaberneñ 2se häm 3sendä İstanbulda töbäktäge illärneñ tışqı eşlär ministrları cıyılıp Ğiraq turında fiker alışaçaq.
Comğa könne Törkiäneñ xärbi köçläre başlığı general Yasar Büyükanıt, premyer-ministr Recep Tayyip Erdoğan körd suğışçılarına qarşı xärbi çaralar başlaw ixtimalın AQŞ prezidentı George Bush belän söyläşäçäk, dip belderde. Oçraşu Waşingtonda, 5nçe noyaberdä bulaçaq.
Tönyaq Ğiraqtağı amerikan xärbi citäkçese general-mayor Benjamin Mixon, töbäktäge AQŞ ğaskärläre xärbi çaralarda qatnaşmayaçaq, dip belderde.