Бүген көне буе Башкортстанда томан булды. Машиналар көндез дә утларын яндырып, бик акрын гына тизлектә шуышты. Уфа һава аланында очкычлар тоткарланды. Көне буена 16 очкыч тоткарланды, кичке якта гына 6 очкыч күккә күтәрелә алды. Ә читтән килгән очкычлар кабул ителү һаман мөмкин түгел. Һава торышын күзәтү хезмәте томанның иртәгә генә тарала башлаячагын хәбәр итте.
