Accessibility links

Кайнар хәбәр

Ğiraqtañ Terror belän küräştä Törkiägä yärdäm süze


Ğiraq Premyer Ministrı Nuri äl-Maliqi, kürşe illär belän terrorçılıq qurqınıçına qarşı küräştä yärdäm itärgä wäğdä birde. Ul şul uq waqıtta, Ğiraq cirlärenen kürşe illärgä qarşı yasalğan xöcemnär öçen qullanıluına röxsät itmäyäçäklären äytep, çik buyındağı imimlek çaraların arttırırğa çaqırdı.

“Xäzerge kiyerenkelek, bezneñ kürşe Törkiä belän bulğan mönäsäbätlärebezne boza almayaçaq. Bez Törkiä häm Ğiraq xalqına töbälgän teror qurqınıçına qarşı qulğa-qul birep bergäläp küräşäçäkbez. Bez, terorçılıqnıñ, dus Törkiyä xalqınıñ iminlegenä ni däräcä qurqınıç tudırğanıñ añlıybız”

Äl-Maliqi bu belderüen, İstanbulda cıyılğan, Ğirqqa kürşe illärdän kilgän yuğarı wäkillär häm zur sigezlek aldında yasadı.

Ğiraq xökümäte süzçese, Ali äl-Dabbağ Bäğdadnıñ Körd ğisyançı başlıqların da qulğa alu niätläre buluın belderde. Bu cıyılış, AQŞ däwlät sekretarı, Condoleezza Rice belän Ğiraq, Törkiä, İran wäkilläre häm Zur sigezlekneñ BMO İminlek Şurasınıñ 5 daimi wäkillären bergä oçaştırdı.

Törkiä, Tönyaq Ğiraqtağı körd ğisyançıları höcümnärenä qarşı, AQŞtañ fiğili cäwaplılıq kötä.

AQŞ isä, höcümnärne awızlıqlarğa wäğdä birde. Läkin ul Törkiägä Ğiraq çigendä, çig-aşa operatsiä başlatudan tıyılırğa tiyeş di.
XS
SM
MD
LG