Möstaqillek öçen köräşkän Kosovo albannarınıñ elekke citäkçese Haşim Taçi citäkçelegendäge Kosovonıñ Demokratik Partiäse saylawlarda 30%tan artıq tawış aldı.
Şulay uq bäysezlek yaqlı İbrahim Rugovanıñ Kosovonıñ Demokratik Ligası 20%tan artıq tawış belän saylawlarda ikençe buldı.
Şulay itep xäzer Haşim Taçi premyer-ministr bulır dip farazlana. Xäzerge xökümät başlığı Agim Çeku urınınnan kitäçäk.
Kosovo Demokratik Partiäseneñ saylawlarda ciñüe belän, – töbäk tarixında yaña çor başlana, dide Haşim Taçi. Räsmi töstä Serbiäneñ ber vilayäte, ğamäldä isä 1999nçı yıldan birle Berläşkän Millätlär yaqlawında bulğan Kosovo bäysezlek häm azatlıqqa taba adım yasarğa äzer, dip Taçi. Firqaneñ vise-prezidentı Hajredin Kuçi, firqa Kosovonı citäklärgä äzer, dip belderde:
"Kosovonıñ Demokratik partiäse üzgäreşlär öçen küp köç saldı häm kiläse 4 yılda ilne citäkliäçäk berençe säyäsi partiä bulaçaq."
Saylawlarda ikençe kilgän firqaneñ matbuğat wäkile Vehbi Miftari, näticälär belän kileşäçäklären äytte:
"Kosovoda uzğan saylawlarnı häm tawış birüneñ qanuni bulğanın tanıybız. Tawışlar sanalıp betkäç, ciñüçe kem genä bulmasın, bez anı tanıyaçaqbız."
Saylawlarda ciñü Kosovonıñ Demokratik partiäsenä tulısınça üz wäkillärennän torğan xökümät tözergä mömkinlek birmi. Xökümät – ike firqa wäkillärennän toraçaq, dide säyäsi küzätüçe Baton Hacu:
"Minemçä elekke zamanda qarşılıqları bulsa da xäzer Kosovonıñ Demokratik partiäse belän Demokratik ligası koalisiä tözi ala. İke zur firqa arasında kileşü bulmıyça xökümät tözelä almıy. Kileşü möhim 3 mäsälädä kiräk: ike ministr – tışqı eşlär häm saqlanu ministrları, prezidentlıq häm Priştinanıñ cirle xökümäte mäsälälärendä. Şuşılar turında taraflar kileşä alsa, qalğanı ciñel bulaçaq. "
Bügenge köndä Kosovodağı alban firqalären –bäysezlekkä omtılu berläşterä. Thaçi, parlament Kosovonıñ Serbiädän bäysezlegen 10 dikaber könne iğlan itäçäk, dip belderde.
Serbiä Kosovoğa il eçendä möstaqillek täqdim itsä dä, Kosovo albannarı bäysezlek telägendä berdäm. Yevropa Berlege Kosovonı bu adım belän aşıqmasqa çaqıra. Quşma Ştatlar Kosovonıñ bäysezlegen yaqlıy, Yevropa Berlege bu mäsälädä berdäm fikerdä tügel. Germaniä, İspaniä häm balkanğa yaqın başqa qayber däwlätlär Kosovonıñ bäysezlekne ber yaqlı ğına iğlan itäçägen xuplamıy. Bügen Brüsseldä oçraşqan Berlekneñ tışqı eşlär ministrları mondıy adımnıñ tiskäre yaqları turında fiker alıştı. Kosovonıñ bäysezlek iğlan itüe töbäktäge serblarnıñ xälen awırlaştırırğa mömkin, häm Bosniä-Herzogovinanıñ serb öleşe dä däwlätçelek iğlan itep böten balkan töbägendä totrıqsızlıq tuarğa mömkin. Britaniäneñ Yevropa eşläre ministrı Jim Murphy, Kosovo bäysezlege – böten Yevropa eşe, dide:
"Bu böten Yevropa öçen problema bulıp tora. Bez ber kemnän dä, misal öçen Quşma Ştatlardan, problemanı çişüne sorıy almıybız. Kosovonıñ bäysezlege mäsäläsen çişü öçen bez, Yevropa illäre cawaplı. Töbäkneñ möstaqillege ber yaqlı ğına tügel, ä böten xalıqara cämäğätçelek tarıfınnan tanılğan ber möstaqillek bulırğa tieş."
Şimbä saylawlarına xalıq küpläp qatnaşmadı. Tawış birüçelärneñ 45%tı ğına kilgän ide. Serb azçılığı saylawlarda qatnaşudan baş tarttı. Bäysezlek mäsäläsendä soñğı süzne äytü alban citäkçeläre qulında bulmağaç xalıq cirle yulbaşçılarğa bik ışanmıy, di säyäsi küzätüçelär.
Şulay uq bäysezlek yaqlı İbrahim Rugovanıñ Kosovonıñ Demokratik Ligası 20%tan artıq tawış belän saylawlarda ikençe buldı.
Şulay itep xäzer Haşim Taçi premyer-ministr bulır dip farazlana. Xäzerge xökümät başlığı Agim Çeku urınınnan kitäçäk.
Kosovo Demokratik Partiäseneñ saylawlarda ciñüe belän, – töbäk tarixında yaña çor başlana, dide Haşim Taçi. Räsmi töstä Serbiäneñ ber vilayäte, ğamäldä isä 1999nçı yıldan birle Berläşkän Millätlär yaqlawında bulğan Kosovo bäysezlek häm azatlıqqa taba adım yasarğa äzer, dip Taçi. Firqaneñ vise-prezidentı Hajredin Kuçi, firqa Kosovonı citäklärgä äzer, dip belderde:
"Kosovonıñ Demokratik partiäse üzgäreşlär öçen küp köç saldı häm kiläse 4 yılda ilne citäkliäçäk berençe säyäsi partiä bulaçaq."
Saylawlarda ikençe kilgän firqaneñ matbuğat wäkile Vehbi Miftari, näticälär belän kileşäçäklären äytte:
"Kosovoda uzğan saylawlarnı häm tawış birüneñ qanuni bulğanın tanıybız. Tawışlar sanalıp betkäç, ciñüçe kem genä bulmasın, bez anı tanıyaçaqbız."
Saylawlarda ciñü Kosovonıñ Demokratik partiäsenä tulısınça üz wäkillärennän torğan xökümät tözergä mömkinlek birmi. Xökümät – ike firqa wäkillärennän toraçaq, dide säyäsi küzätüçe Baton Hacu:
"Minemçä elekke zamanda qarşılıqları bulsa da xäzer Kosovonıñ Demokratik partiäse belän Demokratik ligası koalisiä tözi ala. İke zur firqa arasında kileşü bulmıyça xökümät tözelä almıy. Kileşü möhim 3 mäsälädä kiräk: ike ministr – tışqı eşlär häm saqlanu ministrları, prezidentlıq häm Priştinanıñ cirle xökümäte mäsälälärendä. Şuşılar turında taraflar kileşä alsa, qalğanı ciñel bulaçaq. "
Bügenge köndä Kosovodağı alban firqalären –bäysezlekkä omtılu berläşterä. Thaçi, parlament Kosovonıñ Serbiädän bäysezlegen 10 dikaber könne iğlan itäçäk, dip belderde.
Serbiä Kosovoğa il eçendä möstaqillek täqdim itsä dä, Kosovo albannarı bäysezlek telägendä berdäm. Yevropa Berlege Kosovonı bu adım belän aşıqmasqa çaqıra. Quşma Ştatlar Kosovonıñ bäysezlegen yaqlıy, Yevropa Berlege bu mäsälädä berdäm fikerdä tügel. Germaniä, İspaniä häm balkanğa yaqın başqa qayber däwlätlär Kosovonıñ bäysezlekne ber yaqlı ğına iğlan itäçägen xuplamıy. Bügen Brüsseldä oçraşqan Berlekneñ tışqı eşlär ministrları mondıy adımnıñ tiskäre yaqları turında fiker alıştı. Kosovonıñ bäysezlek iğlan itüe töbäktäge serblarnıñ xälen awırlaştırırğa mömkin, häm Bosniä-Herzogovinanıñ serb öleşe dä däwlätçelek iğlan itep böten balkan töbägendä totrıqsızlıq tuarğa mömkin. Britaniäneñ Yevropa eşläre ministrı Jim Murphy, Kosovo bäysezlege – böten Yevropa eşe, dide:
"Bu böten Yevropa öçen problema bulıp tora. Bez ber kemnän dä, misal öçen Quşma Ştatlardan, problemanı çişüne sorıy almıybız. Kosovonıñ bäysezlege mäsäläsen çişü öçen bez, Yevropa illäre cawaplı. Töbäkneñ möstaqillege ber yaqlı ğına tügel, ä böten xalıqara cämäğätçelek tarıfınnan tanılğan ber möstaqillek bulırğa tieş."
Şimbä saylawlarına xalıq küpläp qatnaşmadı. Tawış birüçelärneñ 45%tı ğına kilgän ide. Serb azçılığı saylawlarda qatnaşudan baş tarttı. Bäysezlek mäsäläsendä soñğı süzne äytü alban citäkçeläre qulında bulmağaç xalıq cirle yulbaşçılarğa bik ışanmıy, di säyäsi küzätüçelär.