"Чикләрне танымаган хәбәрчеләр" оешмасы Пакыстан рәсмиләрен соңгы көннәрдә кулга алынган 160лап журналистны иреккә чыгарырга таләп итте. Аларның күбесе Карачи һәм Хидерабад шәһәрләрендә сүз иреген яклап оештырылган тыныч урам җыены вакытында кулга алынган. Кайберләре кыйналган. Журналистны яклау оешмасы, илдәге гадәттәнтыш вазгыять көч куллануны акламый, дип белдерде.
