Халыкара атом энергиясе агентлыгының җитәкчеләр шурасы бүген Иран атом программы турында җыенын башлап җибәрде. Агентлыкның башлыгы Мөххәммәд Ал-Барадей, тикшерүчеләргә Тәһранның атом эшләнмәләре турында җитәрлек мәгълүматлар һаман да бирелмәде, дип белдерде. Иран вәкиле Али Солтани, Иран дөньяга үзенең атом программы турындагы сорауларга тулы җавап бирде, Тәһран, БМО Иран атом программасы мәсәләсендә булган мәгълүматларын ачып салыр дип өметләнә, дип белдерде. Иран хакимиятләре, Европа Берлеге вәкиле Хавьер Солана белән сөйләшәүләрне дәвам итүләре турында белдерде. АКШ Иранга яңа чикләүләр кертү тәкъдименә басым ясый.
