Accessibility links

Кайнар хәбәр

Hadi Atlasi mirasına bağışlanğan konferensiä Qazanda uzdı


Fännär akademiäseneñ tarix in

Fännär akademiäseneñ tarix institutında düşämbe könne bik möhim ber fänni konferensiä ütte. Anıñ teması – «Hadi Atlasi: mirası häm xäzerge zaman». Bu çara kürenekle tatar tarixçısı häm cämägђt eşleklese Hadi Atlasinıñ 125 yıl tuluğa täñgäl kilä. Hadi Atlasi uzğan ğasır başında Rusiä Däwlät Dumasında deputat bulğan bik zur ruxi, mädäni häm fänni miras qaldırğan, ul Rusiädäge törki xalıqlarnıñ mäğärif sistemasın üsterügä zur öleş kertkän. 1938 yılda säyäsi repressiägä duçar bulğan, stalinizm baltası astında haläk bulğan Hadi Atlasinıñ ictimağıy qaharmanılığı häm tirän fänni fikere xäzerge milli tärräqıätkä zur tä'sir yasıy. Konferensiäne Tarix institutı citäkçese Rafail Xäkimov açtı, anda İndus Tahirov, Damir İsxakov, Saläm Alişev, Räwil Ämirxanov, Dilärä Gosmanova, Aydar Xabutdinov, Gabdelbär Fäyzraxmanov häm başqalar çığış yasadı.

Östämä mäğlümat bularaq şunı da äytergä bula, Bögelmä milli oeşmaları tarafınnan Hadi Atlasinıñ isemdäge büläk buldırılğan ide. Berniçä yıl elek Hadi Atlasi büläge häm şul ismedäge istälekle medal' «Azatlıq» radiosı mödire Färit İdellegä tapşırılğan ide. Qısqası, xäzer säyäsi repressiälärdän waz kiçü, tarixi xatalar tözätü häm xaqmiät vertikalen köçäytep, millätçelekne, separatizmnı härqayda ezläp tabırğa omtılış, anonim säyäsi donoslar yazu küreneşläre ber-bersenä ürelep bara.

XS
SM
MD
LG