Accessibility links

Кайнар хәбәр

Qayber matbuğat çaralarında qayber säyäsi yomğaqlar turında


Bälki, şuñadır da, räsmi xaqim

Bälki, şuñadır da, räsmi xaqimiätne uzdırıbraq qayber säyäsätçelär üzlärençä säyäsi yomğaqlar, säyäsi näticälär yasarğa kereştelär. Ğadättägeçä, berençe rätlärdä «Zvezda Povolj'ya» gazetası möxärrire Räşit Äxmätow «atlıy». Aña nindider «az mäğlümatlı» çığanaqlardan, Rusiä Konstitutsiä mäxkämäsendä Tatarstan mäs’äläse buença ikegä aerılu kilep çıqqan. Konstitutsion mäxkämäneñ ber öleşe Tatarstan qanunnarındağı aermalıqlar ul qadär ük «zur gönah» tügel, dip sanıy ikän. İmeşter, Konstitutsiä mäxkämäse räise Marat Baglay xäzerge waqıtta şuşı aerılunı, tartqalaşnı kileşterep, tieşle qarar çığaruğa ireşergä tırışa. Şul uq waqıtta, imeşter, Vladimir Putinnıñ eş östälenä Tatarstan Konstitutsiäse yaña proektı salınğan. İmeşter, yaña proekt Rusiä citäkçelegeneñ küñelenä berdä xuş kilmägän, qatğıy itep, Tatarstan Konstitutsiäse federal' zakonçılıqqa turı kilergä tieş häm anda bernindi dä suverenitet turında süz bulırğa tieş tügel, dip äytelgän. Şulay itep, qayber säyäsätçelär inde uzıp barğan yılnı Tatarstannıñ suverenitetınnan tämam «qolaq qağuı» belän yomğaqlawın konstatatsiälärgä tırışalar.

Atna başında tağın ber bäysez «Zvezda Povolj'ya» gazetası ruxında çığa başlağan «Dojivem do ponedel'niqa» digän informatsion-analitik gazetanıñ öçençe sanında baş möxärrir Ayaz Xäsänow «Glavnoe dlya Putina pokorit' Tatarstan» digän mäqäläsen Tatarstanda dekaber ae üzgäreşlär ae bulırğa wäğdä itä. Berençedän, parlamentnı säyäsi ozın ğomerlelärneñ berse, Möxämmätşin taşlap kitä, dip başlağan ide. Bu mäqälädä dä respublikanıñ säyäsi yılnıñ yomğaqların üzenä kürä, zamança äytsäk, «bik tekä» itep yasarğa omtılış añğıp tora. Menä şuşındıy yomğaqlawlarnı uqığan-işetkän keşelärneñ, älbättä, qarale, ällä närsђlär bar ikän, yarıy äle şundıy gäcitlär bar, uqırğa-yazılırğa kiräk, dip uylarlar, hiçşiksez. Andıy «mäğlümat çaralarınıñ» töp maqsatı da şul. Andıy gazetalarnıñ küpmegä bäysez, küpmegä informatsion-analitik ikännäre inde xalıqqa añlaşılıp kilä. Şulay da şundıy «analitikanı» uqığan tıñlawçılarıbıznıñ çınlıqta Tatarstannıñ säyäsi tormışı nixäl ikän, digän soraw tuğandır.

Räsmi çığanaqlardan belengänçä, Rusiä Konstitutsion mäxkämäsendä Tatarstan qanunnarın tikşerü eşe kiçekterelgän. Yaña yılga qadär Tatarstan Däwlät Şurasınıñ bernindi dä çirattağı da, çirattan tış ta sessiäläre, utırışları kötelmi.

XS
SM
MD
LG