Tatarstan Fännär akademiäsendä yaña gämäli häm möxbir äğzalär saylandı

Tağın fän ölkäsenä qağılışlı ber yañalıq. Tatarstannıñ Fännär akademiäsendä yaña gämäli häm möxbir äğzalär saylawları ütkärelde. Saylawlar näticäse buença äle räsmi xäbärlär yuq. Bezgä mäğlüm qadär al'ternativ kandidatlarnıñ bülek utırışlarında uq töşep qalu näticäsendä saylawlar tiz genä uzğan. Kürenekle general Mähmüt Gäräew tarix fännäre buença akademiäneñ gämäli äğzası bularaq saylandı. Rejisser Marsel' Salimcanov sänğat beleme buença akademik buldı. Möxbir äğzalar itep sotsiologiä belgeçe, kräşen tatarlarınıñ kürenekle wäkile Vladimir İvanov, şulay uq fizika-matematika fännär doktorı, Qazan şähäre xaqimiäte başlığı urınbasarı Fail Axmadiev, Alabuğa pedagogiä institutı rektorı Nail Wäliev h.b. saylandı. Yäş akademik häm möxbir äğzalar arasında Fännär akademiäsen citäklärgä sälätle şäxeslär üsep çığarmı, waqıt kürsäter.

Yunıs Ätnäle