Yaña yıl kiçendä Qazanda 20 sabıy dönyağa kilgän

Yaña yılnıñ berençe eş köne ğadättä awır başlana. Ğadät buyınça uzğan yıl yomğaqların bilgeläp ütü näticäläre genä yasala. Berençe çiratta, älbättä, törle iminlek, tärtip, sälämätlek saqlaw oyışmaları xisap tota. İnde Qazanda Yaña yıl çırşıları yanında Yaña yıl kiçendä fälänçä cirdä fälänçä yäşlär törkeme suğışqannar, bärgäläşkännär, suyışqannar, digän mäğlümätlär bar. Qazannıñ bala tudıru yortlarında Yaña yıl kiçendä 20 sabıy dönyağa kilüe mäğlüm. Aşığıç yärdäm xezmäte Yaña yıl tönendä 1,5 meñ çaması meditsina yärdäme sorap, şaltıratu buluı turında xäbär itä. Älbättä, 1 millionlı Qazan häm 4 millionğa yaqın xalqı bulğan Tatarstan öçen bu waq-töyäk küñelsezleklär. Küpçelek xalıq Yaña yılnı ğadät buyınça bar bulğanın östälgä quyıp, dus-işlären, tuğan-tumaçaların çaqırıp, mul bäyräm öställäre artında qarşıladı, şöker.