Härxäldä Prezident, Däwlät Sovetı räise Rusiä Konstitutsiäse könen urap uzmadı. Färit Möxämmätşin respubliqa xalqın Konstitutsiä köne belän qotladı, Mintimer Şäymievka Vladimir Putin häm Sergey Kirienkodan qotlau telegramması kilde. Tatarstan Prezidentı Interfax agıntlıgına interviu birep «Rusiä Konstitutsiäsen kordinal üzgärtü urınsız» —dip belderde. «Anıñ potentsialı äle qullanılmagan» - dide Mintimer Şäymiev. «Federatsiä subiektları häm üzäk arasındagı wäqälätlär tulısınça gämälgä quyılmagan. Rusiä konstitutsiäseneñ citeşsezlekläre bulsa da, ul tormışnı totrıqlandıruda zur rol uynadı» dip äytkän anda Tatarstan Prezidentı. «Konstitutsiä yış üzgärtelmäskä tieş, anıñ buyınça yäşärgä öyränergä kiräk» — M.Şäymievnıñ fikere şundıy. Rusiä Prezidentınıñ eşläü waqıtın 7 yılga qadär ozaytırga kiräk digän täkdimne, Şäymiev xuplamıy. Xäzerge kebek 4 yıl azraq, şuña kürä Prezidentlıq waqıtı 5 yıl bulsa, döresräk, dip sanıy ul.
Çärşämbe 12 dekäberdä Tatarstan xalqı älläni bäyräm itmäsä dä, eşkä çıqmadı. Eşlämäü turında qanunnar härwaqıt pöxtä itep ütälä. Şundıy zur bäyräm könne, Qazanda bernindi gazeta çıqmadı, irtän — poçta büleklärendä dä, satuda da matbugat bulmadı. Bäyräm tantanaları da görlämäde. Aldaraq 10-11 dekaberdä konstitutsiä bäyrämenä bäyle cıyılışlarnı «Edinstvo» kebek xakimiät firqäläre ütkärde. Matbugatta bilgele keşelärneñ töp qanunga mönäsäbäte turında beleşmälär basıldı. Ällä ni därtlänep, quanıp, biep yörüçelär küzätelmäde. Säyäsi uyınnar, yanawlar ozaqqa suzılu säbäple, yöräklärdä şomnı arttıra.
Çärşämbe 12 dekäberdä Tatarstan xalqı älläni bäyräm itmäsä dä, eşkä çıqmadı. Eşlämäü turında qanunnar härwaqıt pöxtä itep ütälä. Şundıy zur bäyräm könne, Qazanda bernindi gazeta çıqmadı, irtän — poçta büleklärendä dä, satuda da matbugat bulmadı. Bäyräm tantanaları da görlämäde. Aldaraq 10-11 dekaberdä konstitutsiä bäyrämenä bäyle cıyılışlarnı «Edinstvo» kebek xakimiät firqäläre ütkärde. Matbugatta bilgele keşelärneñ töp qanunga mönäsäbäte turında beleşmälär basıldı. Ällä ni därtlänep, quanıp, biep yörüçelär küzätelmäde. Säyäsi uyınnar, yanawlar ozaqqa suzılu säbäple, yöräklärdä şomnı arttıra.