Accessibility links

Кайнар хәбәр

Qazanda Däwlät Ermitaj muzee häm Tatarstan muzeyları belän bergä oyıştırılğan «İslam sänğate» digän kürgäzmä açılu aldınnan qayber çaralar ütkärelä


Qazanda Däwlät Ermitaj muzee häm Tatarstan muzeyları belän bergä oyıştırılğan «İslam sänğate» digän kürgäzmä açılu aldınnan qayber çaralar ütkärelä

Xäbär itkänebezçä, Qazanğa Ermitaj direktorı Mixail Piotrovskiy kilde. Mäğlüm bulğança, uzğan yılnıñ 16 maenda Ermitaj däwlät muzee häm Tatarstan mädäniät ministrlığı, Tarix institutı arasında berketmä tözelgän ide. Anda yaqlarnıñ Rusiädä yäşäwçe xalıqlarnıñ mädäni mirasın öyränüdä häm saqlawda teläktäşlek belderelä. Ermitaj Tatarstan xalqın muzeyda saqlana torğan dönya mädäniäte häm sänğatenä bağışlanğan tarixi istäleklär belän tanıştıruda, fänni xezmätkärlär äzerläwdä Ermitaj belän Tatarstannıñ fän, mädäniät, sänğat oeşmaları arasında mädäni häm fänni elemtälärne kiñäytüdä yärdäm kürsätüne üz östenä alğan ide. Menä şuşı xezmättäşlek programması qısalarında Qazanğa bu kilüendä Ermitaj direktorı Mixail Piotrovskiy Qazan Däwlät universitetında sişämbe könne «Üzgärtelgän İslam räweşe Auropa mädäniäteneñ elementı bularaq» digän leksiä uqıdı. Leksiädän soñ Qazan Däwlät universitetı häm Tarix institutı citäkçeläre belän aldağı xezmättäşlek ğamälläre kileşende. Çärşämbe könne Mixail Piotrovskiy Qazan milli-mädäni üzägendä «İslam sänğate: Däwlät Ermitajı kolleksiäsennän İslam sänğate istälektäre» digän kürgäzmä açu tantanasında qatnaşa. Älege kürgäzmädä şulay uq respublika muzeylarında cıelğan borınğı häm xäzerge İslam sänğate eksponatları da kürsäteläçäk. Qazan xalqı inde Ermitajnıñ möselman sänğatenä, törki xalıqlar tarixına qağılışlı tarixi materiallarğa bay buluına inandı. Ermitajnıñ inde Qazanda Qorbat-xan xäzinälärennän ğacäp ekspozitsiä kürsätkäne bar.
XS
SM
MD
LG