Yaña yılğa kerdek. Kem cäyäwläp, kem atqa atlanıp, kem maşinağa utırıp. İnde eşkä kereştek digändä, irtägädän, yäğni 5 ğıynwardan tağın öç könlek yal başlana. Bu yulı yal könnärenä yalğanıp, Böten Rusiädä Raştua bäyräme itelä. Äytergä kiräk, näq şuşı könnärdä Tatarstan matbuğatı Vatikandağı Qazan izge Alla Anası ikonasın başqalabızğa qaytaru mäs’äläsen yañadan kütärep çıqtı. Tögälräge, Tatarstan prezidentı Mintimer Şäymiev bu turıda «İnterfax» agentlığına birgän interv'yusında söylägän. Şul äñgämä 4 ğıynwarda respublika matbuğatında tulısınça yaktırılğan. Mintimer Şäymiew Rim ataqaenıñ ikonanı Qazanğa qaytaruına ömet itä häm oşbu ğamäl pravoslavie dinen totuçılarnı, bigräk tä alarnıñ respublikada yäşäwçelären şatlandırır ide, dip farazlıy. Tatarstan liderı äytüençä, aña Böten Rusiä Patriarxı Aleksiy II qaraşı mäğlüm, ul da ikonanıñ izge teläk belän Qazanğa qaytarıuluına qarşı tügel ikän. Moña östäp, şunısın da äytergä kiräk. İkonanı Qazanğa qaytaru mäs’äläse torğan sayen qatlawlana häm säyäsi tösmer ala başladı. Bu mäs'älädä iñ baştan uq Qazannıñ Mäskäwne uzıp initsiativa kürsätüe Patriarxqa ğına tügel, başqa säyäsi dairälärgä dä oşamadı bulsa kiräk. Oşbu ğamälgä kereşkänçe beznekelär pravoslavie häm katoliklar arasındağı şaqtıy çetrekle wä qatlawlı mönäsäbätlärne isäpläp betermägännär, axrısı. Keçkenä genä misal. Uzğan yılda Vatikan başlığının möstäqıyl Ukrainağa kilüenä Rus patriarxı protest belän çıqtı. Citmäsä, Tatarstan möftie Ğosman xäzrät Rim Ataqaen Qazannıñ 1000 yıllığına çaqırıp xat cibärgän. Ällä tatarğa xas bulğan qunaqçıllıq xisenä birelep, ällä mäsäläneñ, böten yaqların isäplämiçä qılğan bu ğamäl Rusiäneñ möselman liderları tarafınnan da salqın qabul itelde. Ber-işe xäbärlärgä qarağanda, Dağıstan möftie Äxmät xaci Tagaev «mondıy çaqırular möselman cämäğätçelege belän kiñäşep başqarılırğa tieş», dip beldergän. Mäskäw möftie Rawil Gaynetdin fikerençä dä, Vatikan belän rus pravoslav çirkäwneñ mönäsäbätläre köylänmägän xäldä Rim Ataqaenıñ Rusiägä kilüe turında söyläşülär alıp baru urınlı tügel. Mondıy çaqrularnı DUMES citäkçese möfti Tälğat Tacetdin dä tänqıytläp çıqqan.
İTAR-TASS agentlığı Tatarstan möftieneñ çaqıruı xaqındağı xäbärne tiz genä kiñ dairälärgä tarattı. Mintimer Şäymiev bez iskä alıp ütkän «İnterfax»qa birgän interv'yusında «Sez bu xaqta beläsezme?», digän sorawğa, «Xäzergä min monıñ centekle yaqların belmim, şuşı temağa bezneñ möfti belän oçraşqannan soñ ğına cawap birä alam. Älegä ul komandirovkada», dip äytkän. Dimäk, Tatarstan möftie Rim Ataqaena çaqıru cibärer aldınnan prezident belän kiñäş totmağan. Qısqası, älege ikonanı Qazanğa qaytaru mäşäqäte qayber bitaraf keşelärgä genä qısır qayğı kebek toela. Baqsañ, ul bezneñ dini häm säyäsi citäkçelärebezneñ yoqısın qaçırırlıq zur problema ikän.
İTAR-TASS agentlığı Tatarstan möftieneñ çaqıruı xaqındağı xäbärne tiz genä kiñ dairälärgä tarattı. Mintimer Şäymiev bez iskä alıp ütkän «İnterfax»qa birgän interv'yusında «Sez bu xaqta beläsezme?», digän sorawğa, «Xäzergä min monıñ centekle yaqların belmim, şuşı temağa bezneñ möfti belän oçraşqannan soñ ğına cawap birä alam. Älegä ul komandirovkada», dip äytkän. Dimäk, Tatarstan möftie Rim Ataqaena çaqıru cibärer aldınnan prezident belän kiñäş totmağan. Qısqası, älege ikonanı Qazanğa qaytaru mäşäqäte qayber bitaraf keşelärgä genä qısır qayğı kebek toela. Baqsañ, ul bezneñ dini häm säyäsi citäkçelärebezneñ yoqısın qaçırırlıq zur problema ikän.