İranda IX xalıqara Qorän kürgäzmäsendä Tatarstan wäkilläre dä qatnaşa

«Tatar-inform» agentlığınıñ pänceşämbe xäbärläre mädäni yañalıqlarğa bay. Anda İranda IX xalıqara Qorän kürgäzmäsendä Tatarstan wäkilläre dä qatnaşuı turında äytelä. Ğalimcan İbrahimov isemendäge tel, ädäbiät häm sänğat institutı ğalime Näcip Näqaş şamaillären kürsätkän. Rusiä pavil'onında izge Qoränneñ tatar, rus häm qazax tellärenä tärcemäläre kürsätelgän. Şular arasında yazuçı Rabit Batullanıñ törekçädän tärcemä itelgän izge Qoränneñ tatarça täfsire kürgäzmädä ayıruça qızıqsınu uyattı, dip xäbär itä «Tatar-İnform» agentlığı.