Bötentatar «Mäğärif» bergälege, şähär mäğärif komitetı häm BTİÜ prezidiumı Tatarstan Prezidentı M. Şäymievkä Däwlät Şurası räise F.Möxämmätşinğa häm premier-ministr R.Minnexanovqa möräcäğät qabul ittelär. Anda mondıy yullar bar: «Millätneñ üseşendä, anıñ dönya sivilizatsiäsendä urının bilgeläwdä, tatar xalqın dönya xalqı aldında tanıtuda kino sänğateneñ role zur. Qızğanıç ki, Tatarstanda bu sänğät tören elek-elektän üsterü mömkinlege bulmağan häm tatar xalqı bu sänğättän mäxrüm bulıp yäşäwgä duçar itelgän». Möräcäğät avtorları fikerençä, näfis film töşerü öçen respublikada Näfis filmnar studiäsen oyıştıru häm anıñ kollektivın tuplawdan başlamıyça, filmnı respublikadan çittäge studiägä zakaz birep eşlätü yulına basu qızğanıç xällärgä kiterde. «İsä Bolğar cilläre» dip isemlängän film respublika büdjetınnan bik küp çığımnar totulıuna, töşerä başlawına distä yıldan artıq waqıt uzuğa qaramastan, xaman eşlänep betä almıy häm aña ömet tä yuq inde. Möräcäğät avtorları Mädäniät ministrlığı qarşında näfis häm multiplikatsion filmnar studiäsen kiçekmästän oyıştırırğa kiräk, dip sanıylar.
«Azatlıq» radiosı öçen Qazannan Damir Ğismetdin
«Azatlıq» radiosı öçen Qazannan Damir Ğismetdin