Accessibility links

Ulyanovskiy xärbi hawa brigadasınnan qaçıp kitkän ike soldat Tatarstanda militsiä xezmätkärlärenä xöcüm itte, qorbannar bar


Ulyanovskiy xärbi hawa brigadasınnan qaçıp kitkän ike soldat Tatarstanda militsiä xezmätkärlärenä xöcüm itte, qorbannar bar

4 fevral düşämbe irtäsendä Apas, Bua, Yuğarı Oslan yaqlarınnan Qazanğa qaytuçılar şomlı xäbärlär söyläde. Sember-Mäskäw yulları militsiä xezmätkärläre häm ğäskärilär belän tulğan. Här maşina tuqtatıla häm centekläp eçe-tışı, dokumentları tikşerelä. Sember yulınıñ Bua rayonı aşa uzğan öleşendä tañ aldınnan yul xäräkäte iminlege xezmätkärlärenä xöcüm bulğan. Xöcüm itüçelär Kalaşnikov avtomatları belän qorallanğan keşelär berniçä militsiä xezmätkären atıp üterep, alarnıñ maşinaların biläp alıp, kitep barğannar. Läkin yulda avtomobil'neñ benzinı betep tuqtağan. Cinäyätçelär yulda ikençe ber avtomobil'ne yawlap alğan häm tağın berniçä keşene atıp ütergän. İkençe biläp alınğın avtomobil'dä barğanda, cinäyätçelär qaplanğannar, läkin haläkät bulğan urınnan qaçqannar.

Tatarstan eçke eşlär ministrlığınıñ matbuğat bülege xäbärendä bu waqiğa turında bolay diyelä. 4 fevral' könne 31-nçe Ulyanovskiy xärbi hawa brigadasınnan ike soldat qaçıp kitkän. Üzläre belän alar urlap ike Kalaşnikov avtomatı häm 9 oboyma patronnar alıp kitkän. Bua rayonı eçke eşlär bülegeneñ «Восток» kontrol' ütkärü punktında qaçqan desantçılar utırğan «Жигули» avtomobilen yul iminlege inspektorı Xäyrullin tuqtatırğa tırışqan. Läkin soldatlar militsiä xezmätkärenä buysınmıyça, kitep barğannar. Xäyrullin uzıp baruçı maşinağa utırıp, soldatlar utırğan avtomobil'ne qua kitkän häm quıp citep, yul çitenä qısrıqlağaç, qaçqan soldatlar avtomatlardan atıp, Xäyrullin häm avtomobildäge ike passajirnı ütergännär häm şul avtomobil'neñ şoferın totıq itep alıp, Buağa taba kitkän. Buanı äylänep uza torğan yulda alar tağın ber cinäyät qılğan. Alar maxsus qarawıl xezmäte militsionerları utırğan avtomobil'gä ut açqan. Başlanıp kitkän atışuda militsiä kapitanı häm anıñ ike iptäşe militsoner-şofer häm ber militsiä xezmätkäre ülem cäräxätläre alğan. Cinäyätçelär qaçıp kitä alğannar, diyelä Tatarstan eçke eşlär ministrlığınıñ soñğı räsmi xäbärendä.
XS
SM
MD
LG