Accessibility links

Кайнар хәбәр

İdel buyı qazaqları qorallanırğa teli


İdel buyı qazaqları qorallanırğa teli

Uzğan şimbä Tübän Novgorodta İdelbuyı qazaq atamannarı cıyıldı. Anda İdel buyındağı qazaq kruglarınıñ atamannarı belän bergä däwlät oyışmaları wäkilläre dä bulğan. Bu çaranı Rusiä prezidentı apparatında qazaqlar belän eşläw idäräse oyıştırğan häm anı şuşı idäräneñ citäkçese Denikin alıp barğan. Okrugtağı prezident wäkile Sergey Kirienko atamannar cıyılışında qatnaşmağan. Ni ğäcäp, bu cıyılışta barı tik üzen İdelbuyı qazaqları atamanı dip iğlan itkän häm üz-üzenä general digän däräcä birgän Gusevqa mönäsäbät kenä tikşerelgän. Älege samozvannıy ataman häm general üzeneñ distä yarım qazağı belän Tübän Novgorodqa kilsä dä, anı Denikin ütkärgän cıyılışqa kertmägännär. Tatarstan xökümäteneñ cämäğät oyışmaları häm mäğlümät çaraları belän elemtälär bülege xezmätkäre Rawil Xäsänşin da şuşı cıyılışqa barıp qayttı. Rawil Xäsänşin:

Tübän Novgorodta cıyılğan qazaqlarnıñ barısı da diärlek elekkege xärbi keşelär, sovet häm Rusiä armiäse ofitserları. Alar äle dä qoraldan ayırılırğa telämilär. Şuña kürä, alar Rusiäneñ qazaqlar turındağı qanunın tizräk qabul itep, şunda qazaqlarğa qoral yörtüne röxsät itüne sorıylar. Läkin Rusiä prezidentı apparatı xezmätkäre alarğa äle tögäl ber närsä dä wäğdä itmäde.

Başqortostan cırçısı Fädis Gäräyevneñ Yärmäkäy rayonında Räis Xannanov icat itkän ber cırda şundıy süzlär bar: «İx, qazaq qamçısı, canğa tiä açısı». Tatarstan qazaqları xäzergä atamannar krugı tözemiçä tınıç qına yaqtaşlıq cämğiyätenä cıyılışu belän çiklänälär. Alarğa qoral yäki nagayka kiräk tügel dip uylarğa bula.
XS
SM
MD
LG