Nihayät, qış bette. 1 martta irtän ük radio «yaz» dip awızın, televidenie -- küzen açtı.
Mäxkämägä birep azaplanma,
Buysınmıy ul täñgälläşterügä,
Tabiğat'neñ üz qanunı qanun:
Yaz başlana cirdä mart kerügä,
dip yazdı bilgesez şağıyr tabiğat fasılın säyäsi mizgelgä turı kiterep.
Xäyer, qış bıyıl bulmadı da. Yaña yıldan birle tübädän tamçılar tama. Qısqası butaldı yıl fasılları. Alar ğınamı soñ! Başlar butaldı, fikerlär çualdı. Häm ul butalışnıñ ber öleşen pänceşämbedä uzğan Däwlät Şurası sessiäsendä dä kürep bula ide.
Uzğan tapşıruıbızda andağı çığışlar, bäxäslär turında «Azatlıq» radiosı täfsilläp söylägängä, alarğa tuqtalıp tormıym. Qayber gazetalar comğa könne reportajları «Çigenüneñ çige kürenä» digänräk mäğnädä yazıp çıqtılar. Ber yaqtan, hawada elenep toru säyäsätçelärneñ üzlärenä dä, ğadi xalıqqa da tuydırdı inde. İkençe yaqtan, yawlağan ürlärdän çigenü moral' yaqtan awır, citmäsä, matdi yuğaltularğa da kiterergä buldıra.
Niçek kenä bulmasın, berençe uqılışta tözätelgän Konstitutsiä pänceşämbedä parlament tarafınnan qabul itelde. Xäzer VII kisäktän 125 maddädän torğan proekt gazetalarda basılıp xalıq xökemenä täqdim iteläçäk. Anı rayon häm şähär deputatları da tikşeräçäk. Mart axırında proekt Däwlät Şurasında ikençe häm öçençe uqılışlarda qaralaçaq. Qısqası, ozaq kötärgä qalmadı.
Uzğan sessiädä tağın ber mäsälä xäl itelde. Marat Mähdiev Däwlät Şurası räise urınbasarı itep saylandı. Ul Bögelmä şähärendä tuğan, Qazan däwlät universitetın tämämlağan, partiä häm profsoyuz oyışmalarında eşlägän. 2000 yılnıñ ğinwarınnan Däwlät Şurasınıñ parlament kontrole komitetı räise bulıp eşläde.
Mäxkämägä birep azaplanma,
Buysınmıy ul täñgälläşterügä,
Tabiğat'neñ üz qanunı qanun:
Yaz başlana cirdä mart kerügä,
dip yazdı bilgesez şağıyr tabiğat fasılın säyäsi mizgelgä turı kiterep.
Xäyer, qış bıyıl bulmadı da. Yaña yıldan birle tübädän tamçılar tama. Qısqası butaldı yıl fasılları. Alar ğınamı soñ! Başlar butaldı, fikerlär çualdı. Häm ul butalışnıñ ber öleşen pänceşämbedä uzğan Däwlät Şurası sessiäsendä dä kürep bula ide.
Uzğan tapşıruıbızda andağı çığışlar, bäxäslär turında «Azatlıq» radiosı täfsilläp söylägängä, alarğa tuqtalıp tormıym. Qayber gazetalar comğa könne reportajları «Çigenüneñ çige kürenä» digänräk mäğnädä yazıp çıqtılar. Ber yaqtan, hawada elenep toru säyäsätçelärneñ üzlärenä dä, ğadi xalıqqa da tuydırdı inde. İkençe yaqtan, yawlağan ürlärdän çigenü moral' yaqtan awır, citmäsä, matdi yuğaltularğa da kiterergä buldıra.
Niçek kenä bulmasın, berençe uqılışta tözätelgän Konstitutsiä pänceşämbedä parlament tarafınnan qabul itelde. Xäzer VII kisäktän 125 maddädän torğan proekt gazetalarda basılıp xalıq xökemenä täqdim iteläçäk. Anı rayon häm şähär deputatları da tikşeräçäk. Mart axırında proekt Däwlät Şurasında ikençe häm öçençe uqılışlarda qaralaçaq. Qısqası, ozaq kötärgä qalmadı.
Uzğan sessiädä tağın ber mäsälä xäl itelde. Marat Mähdiev Däwlät Şurası räise urınbasarı itep saylandı. Ul Bögelmä şähärendä tuğan, Qazan däwlät universitetın tämämlağan, partiä häm profsoyuz oyışmalarında eşlägän. 2000 yılnıñ ğinwarınnan Däwlät Şurasınıñ parlament kontrole komitetı räise bulıp eşläde.